1 Baṉara 4:11-19

¹¹Benabinadabi sa tie sapu habana se Tapati, tuna vineki e Solomone, asa kopu nia sa doduruna sa popoa pa Doro.

¹²Bana, tuna koreo e Ahiludi si kopu koari na vasileana lavata pa Tanaka, Meqido, meke doduruna sa popoa tata pa Beti Sani, kapae pa Zaretani, kali gore pa Zezireli, meke kamo la gua koasa vasileana lavata pa Abeli Mehola, meke sa vasileana lavata pa Zokomeami.

¹³Beniqeba kopu nia sa vasileana lavata pa Ramoti pa popoa Qileadi, meke sari na vasileana tadi na butubutu Zaira pa Qileadi, pu tuti gore mae koe Manase, meke sa popoa pa Aqobi pa popoa Basani sapu koa i ka onomo ṉavulu vasileana nomadi, sapu ta goba meke rorotoana roza boronizi koa i sari na sasadadi.

¹⁴Ahinadabi, sa tuna koreo e Ido kopu nia sa popoa pa Mahanaimi.

¹⁵Ahimaza kopu nia sa kali popoa pa Napitalai, asa haba ia se Basemati, keke tuna vineki e Solomone.

¹⁶Bana, tuna koreo e Husai si kopu nia sa popoa pa butubutu Asa, meke sa vasileana nomana pa Bealoti.

¹⁷Zehosapati, tuna koreo e Parua si kopu pa kali popoa pa butubutu Isaka.

¹⁸Simei, tuna koreo Ela si kopu koasa kali popoa pa butubutu Benisimane.

¹⁹Qeba, tuna koreo e Uri si kopu koasa popoa pa Qileadi, sapu ta kopue pukerane koari baṉara Sihoni, sa tie Amoraiti, meke baṉara Oqo, pa popoa Basani. Ba koa nana si keke qavuna sapu kopu nia sa doduruna sa popoa.