Isirayila Mangɛe I 4:11-19

¹¹Abinadabo xa di, naxan nu gomina ra Dɔrɔ bɔxi xun ma, naxan mangɛ Sulemani xa di ginɛ Tafati dɔxɔ.

¹²Axiludu xa di Bana, naxan nu gomina ra Taanaki, Megido, nun Beti Saan xun ma, dɛnnaxɛ na Saratan sɛɛti ma. A tan nan nu gomina ra Yisireeli fan xun ma, kelife Beti Saan han Abeli Mexola, han Yokineyami xanbi ra.

¹³Geberi xa di, naxan nu gomina ra Ramoti, Galadi bɔxi ma. A tan nan nu gomina ra Manasi xa di Yayiri xa taae xun ma, Galadi bɔxi ma. A tan nan nu gomina ra na bɔxi xun ma, kelife Aragobo han Basan, taa xungbe makantaxi tongo senni nu na dɛnnaxɛ.

¹⁴Ido xa di Axinadabo nan nu gomina ra Maxanayimi xun ma.

¹⁵Aximaasi nan nu gomina ra Nafatali bɔxi xun ma, naxan mangɛ Sulemani xa di ginɛ Basamati dɔxɔ.

¹⁶Xusayi xa di Bana nan nu gomina ra Aseri nun Beyaloti xun ma.

¹⁷Paruwa xa di Yehosafati nan nu gomina ra Isakari bɔxi xun ma.

¹⁸Ela xa di Simeyi nan nu gomina ra Bunyamin bɔxi xun ma.

¹⁹Uri xa di Geberi nan nu gomina ra Galadi bɔxi xun ma, a Amorikae xa mangɛ Sixɔn xa bɔxi, nun Basankae xa mangɛ Ogo xa bɔxi. Geberi keren nan nu na bɔxi birin gomina ra.