1 ታሶሎንቄ 1

1

2

3

4

5

¹ጳዉሎሳፔ፥ ሲልዋኖሴፔኔ ፂምቶሳፔ፤ ፆሳ ኣዋሲኔ ጎዳ ዬሱስ ኪርስቶሳይታ ጊዲዳ ታሶሎንቄን ዲዛ ኣማኒዛ ኣሳስ ኑ ኣዋ ፆሳፌኔ ጎዳ ዬሱስ ኪርስቶሳ ኪያቴꬂኔ ሳሮቴꬅ ኢንቴስ ጊዶ።

²ኑ ኢንቴና ኑ ዎሳን ቆፒሼ ኡባ ዎዴ ፆሳ ኢንቴ ጊሽ ጋላቶስ።

³ኣማኖኒኔ ሚኖ ሲቆቴꬃን ኢንቴ ኦꬂዳ ኦሶ ጊሽ ጎዳ ዬሱስ ኪርስቶሳ ቦላ ዲዛ ኢንቴ ሚኖ ኡፋይሳን ቤቲዳ ኢንቴ ሚኖቴꬃ ጊሽ ኑ ጎዳ ፆሳ፥ ኑ ኣዋ ሲንꬃን ኡባ ጋላስ ኢንቴ ጊሽ ቆፖስ።

⁴ፆሳን ዶሴቲዳ ኑ ኢሻቶ! ኢዚ ኢንቴና ዶሪዳይሳ ኑ ኤሮስ።

⁵ጋሶይካ ሚሺራቾ ቃላይ ኢንቴኮ ዪዳይ ዎልቃራ ፂሎ ኣያናኒኔ ሎዔꬂ ሻኪ ኤሪን ኣቲን ጮ ቃላ ፃላን ጊዴና፤ ቃሴካ ኑ ኢንቴ ጊሽ ጊዲ ዋኒ ዴዒዳኮኔ ኢንቴ ኤሬታ።

⁶ሃዒ ኢንቴ ኑናኔ ጎዳ ሚሳቲዴታ። ኢንቴ ቦላ ኣይ ሜቶይ ጋኪዳ ጊዲኮካ ፂሎ ኣያና ኡፋይሳ ቃላ ኢንቴ ኤኪዴታ።

⁷ሄሳፌ ዴንዲዳይሳን ኢንቴ ማቂዶኒያኒኔ ኣካያን ኣማኒዛ ኣሳ ኡባስ ሎዖ ሌሚሶታ ጊዲዴታ።

⁸ጎዳ ቃላይ ኢንቴፌ ኬዚዲ ማቂዶኒያኒኔ ኣካያን ሲዬቴꬅ ፃላ ጊዶንታ ኢንቴስ ፆሳ ቦላ ዲዛ ኣማኖይ ኡባሶን ኤሬቲዴስ፤ ሄሳ ጊሽ ኑ ኢንቴስ ዮታናስ ኣይኮካ ኮሼና።

⁹ኢንቴ ኑና ዎስቲ ሞኪ ኤኪዳኮኔ ዴዖን ዲዛ ቱሙ ፆሳስ ኦꬃናስ ኢንቴ ኤቃታፔ ፆሳኮ ዋኒ ሲሚዳኮ ኣሳይ ኢንቴ ጊሽ ሃሳዬስ።

¹⁰ቃሴካ ፆሲ ሃይቆፔ ዴንꬂዳይሳ ቡሮ ያና ሃንቆፌ ኑና ኣሻና ሳሎፔ ያና ፆሳ ና ዬሱሳ ዩሳ ኢንቴ ዎስቲ ናጊዛኮኔ ኣሳይ ሃሳዬስ።