ẔWA 4:48-53

⁴⁸Naž Jesusen' gože' ḻe': —Bi chejḻe'le chia' cha' bi ḻé'elele da' ka' zej nak bian', na' yeḻa' wak ka' da' gona'.

⁴⁹Naž bennen' nzi' ḻo ne'e ḻo wláz benne' ẕnna bi'e gože' Jesusen', na' wnné': —Benne', date ná'tege nich bi gat x̱kwide' byo chian'.

⁵⁰Naž Jesusen' gože' ḻe': —Beyéj ližo'. Nban x̱kwide' byo chion'. Bennen' bejḻi'e da' wnná Jesusen', na' zeyeje'.

⁵¹Kate' ne yoe'e nez zeyeje', baḻe benne' wen žin chie' bedjchággake' ḻe', na' bzéngekle' ḻe', na' wnnágake': —Nban x̱kwide' byo chion'.

⁵²Wnnable' ḻégake' batx̱ wzó ḻaw žeyakbe'. Belyi'e ḻe': —Bache', ka gachje ža bežój-be' da' ḻan'.

⁵³Naž wnnezle x̱a x̱kwide' byon', beyakbe' kate' Jesusen' ne ẕcháḻjḻene' ḻe', na' gože' ḻe': “Nban x̱kwide' byo chion'.” Che ḻen bejḻi'e che Jesusen', na' ḻezka' benách ka' nníta'gake' liže' bejḻé'gake' chie'.