ЯНА 4:48-53

⁴⁸Ісус сказаў яму: вы ня ўверуеце, калі ня ўбачыце азнакаў і цудаў.

⁴⁹Царадворац кажа Яму: Госпадзе! прыйдзі, пакуль не памёр сын мой.

⁵⁰Ісус кажа яму: ідзі, сын твой здаровы. Той паверыў слову, якое сказаў яму Ісус, і пайшоў.

⁵¹На дарозе сустрэлі яго слугі ягоныя і сказалі: сын твой здаровы.

⁵²Ён спытаўся ў іх: а каторай гадзіне яму палепшала? Яму сказалі: учора а сёмай гадзіне гарачка пакінула яго.

⁵³З гэтага бацька даведаўся, што гэта была тая самая гадзіна, калі Ісус сказаў яму: сын твой здаровы. І ўвераваў сам і ўвесь дом ягоны.