Yoni 4:48-53

⁴⁸Yesu lawana i paliweleya i pa, ‘Ega kikina iyai gehouna uyahimiyei ita witumaganeu, ma u bagibagi wipoyahi o galehi ma apoma o kawamoineu.’

⁴⁹Ega yaka taniwagana i paliweleya i pa, ‘Bada, una bulili po ta nae ma natuwe apo ina hilage.’

⁵⁰Ma Yesu i baha i pa, ‘Una gunawilem, natum amaka i luyagohana.’ Lawana Yesu a baha i witumaganeya ma i gunawileya.

⁵¹Hougana i gunawileya po i nenae ma a tu bagibagi hoi tahaya i tuhagahi po tuwega hi paliweleya hi pa, ‘Natum amaka i luyagohana.’

⁵²Ega yaka i lubayada i pa, ‘Kabudala awai natuwe a totogo i wohouna?’ Ma hi pa, ‘Pom iyeta bolinai ma wipoya i nehaleya.’

⁵³Ma tewelana amana i nugotuhuya hougana Yesu i bahabaha uyahina i pa, ‘Natum amaka i luyagohana,’ yaka lawana a bolu mitehi Yesu hi witumaganeya.