ᤗᤢᤁᤠ 12:52-56

⁵²ᤀᤠᤸᤗᤀᤠᤱᤎᤥ ᤅᤠᤛᤡ ᤔᤏᤠ ᤁᤧᤘᤠ᤹ᤒᤠ ᤜᤡᤶᤛᤕᤱᤅᤥ ᤛᤢᤶᤓᤢᤖᤧ ᤋᤰᤗᤧᤱᤘᤠᤀᤥ ᤏᤧᤵᤑᤢ. ᤜᤧᤰᤁᤩᤠᤱ ᤂᤧᤴ ᤏᤧᤵᤑᤢᤖᤧ ᤂᤢᤴᤇᤡ᤹ ᤋᤰᤗᤧᤱᤘᤠᤀᤥ ᤛᤢᤶᤓᤢ ᤔᤧᤒᤥ᤺ᤰᤁᤠᤱ ᤂᤧᤱᤜᤠ᤹ ᤔᤧᤛᤧᤖᤥ॥

⁵³ᤁᤢᤶᤒᤠ᤺ᤴ ᤁᤢᤛ᤻ᤛᤠ᤺ᤸᤗᤧ ᤁᤢᤍᤰᤗᤧᤱᤘᤠᤀᤥ ᤐᤥ᤺ᤰ. ᤜᤧᤰᤁᤣᤗ᤹ᤖᤡᤰᤁᤣ ᤁᤢᤛ᤻ᤛᤠ᤺ᤴ ᤁᤢᤶᤒᤠᤖᤧ ᤁᤢᤍᤰᤗᤧᤱᤘᤠᤀᤥ. ᤜᤧᤰᤁᤩᤠᤱ ᤁᤢᤶᤔᤠ᤺ᤴ ᤁᤢᤛ᤻ᤛᤠ᤺ ᤔᤧᤴᤇᤢᤔᤠ᤹ᤀᤡᤸᤗᤧ ᤁᤢᤍᤰᤗᤧᤱᤘᤠᤀᤥ. ᤜᤧᤰᤁᤩᤠᤱ ᤁᤢᤛ᤻ᤛᤠ᤺ ᤔᤧᤴᤇᤢᤔᤠ᤹ᤀᤡᤴ ᤁᤢᤶᤔᤠᤖᤧ ᤁᤢᤍᤰᤗᤧᤱᤘᤠᤀᤥ ᤐᤥ᤺ᤰᤗᤥ॥ ᤜᤧᤰᤁᤩᤠᤱ ᤏᤥ᤺ᤵᤔᤧᤴ ᤁᤢᤶᤒᤠᤱᤗᤡ᤺ᤸᤗᤧ ᤁᤢᤍᤰᤗᤧᤱᤘᤠᤀᤥ. ᤜᤧᤰᤁᤩᤠᤱ ᤐᤠᤱᤗᤡᤔᤧᤴ ᤁᤢᤴᤏᤥ᤺ᤵᤔᤠᤸᤗᤧ ᤁᤢᤍᤰᤗᤧᤱᤘᤠᤀᤥ ᤐᤥ᤺ᤰᤗᤥ॥”

⁵⁴ᤜᤧᤰᤁᤩᤠᤱ ᤂᤢᤏᤧ᤹ ᤕᤠᤶᤔᤥ ᤕᤖᤡᤰ ᤔᤏᤠᤜᤠ᤹ ᤔᤧᤳᤋᤢᤛᤡ. “ᤏᤠᤶᤎᤠ ᤐᤡᤛᤠᤱ ᤂᤠᤵᤔᤡ᤺ᤵᤐᤠᤴ ᤁᤧᤏᤡ᤺ᤛᤢᤶᤔᤡᤸᤗᤧ ᤀᤠᤸᤗᤥᤛᤠ ᤘᤠᤜᤡᤳ ᤌᤠ᤹᤺ ᤑᤠ᤹ᤀᤠᤱ ᤁᤧᤒᤠ᤺ᤳᤋᤢᤶ. ᤜᤧᤰᤁᤩᤠᤱ ᤜᤧᤰᤁᤣᤗ᤹ᤖᤡᤰ ᤘᤠᤜᤡᤳ ᤌᤠ᤹᤺॥

⁵⁵ᤗᤠᤱᤃᤧᤴᤒᤠ ᤛᤢᤖᤡᤳ ᤁᤣᤈᤱᤅᤡᤴ ᤜᤢ᤺ᤸᤗᤧ ᤀᤠᤸᤗ ᤛᤠ᤹ᤖᤡᤰ ᤜᤠᤱᤘᤠ ᤗ᤹ᤖᤡᤰ ᤁᤧᤒᤠ᤺ᤳᤋᤢᤶ. ᤜᤧᤰᤁᤩᤠᤱ ᤜᤧᤰᤁᤣᤀᤣ ᤐᤥ᤺ᤱ॥

⁵⁶ᤂᤡᤏᤡ᤹ ᤁᤢᤏᤡᤱᤘᤠ᤹ ᤁᤧᤈᤡ᤺ᤵᤐᤠᤛᤣ. ᤀᤰᤂᤣᤗ᤹ᤖᤡᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤏᤢ ᤋᤖ᤺ᤱᤍᤡᤱ ᤋᤠᤱᤛᤠᤱᤅᤥᤒᤠ ᤐᤠ᤺ᤴᤏᤡᤴ ᤀᤥᤃᤧᤔᤧᤳᤋᤢᤶᤔᤠᤱ ᤋᤠ᤺ᤴᤍᤡᤰ ᤁᤧᤒᤥ᤺ᤱᤒᤠ ᤐᤠ᤺ᤴᤏᤡᤴ ᤁᤧᤒᤠ᤺ᤳᤋᤢᤶ. ᤁᤖ ᤁᤴ ᤕᤧᤶᤔᤥ ᤁᤧᤍᤠ᤺ᤒᤠ ᤔᤡᤰᤛᤣ᤺ᤴᤜᤠ᤹ ᤌᤣᤀᤠᤱ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤒᤠᤒᤣ᥅”