54ᤕᤧᤛᤢᤖᤧ ᤏᤥᤃᤵ ᤐᤡᤖᤢᤛᤡ. “ᤀᤡᤱᤃᤠ᤹ ᤀᤠᤒᤠᤅᤣ ᤆᤶᤛᤡᤱᤅᤠᤏᤧ ᤑᤠ᤹ᤃᤪ ᤂᤧᤱᤃ ᤌᤣᤀᤠᤱ ᤔᤧ᤺ᤴᤗᤥ. ᤁᤖ ᤂᤡᤏᤡ᤹ ᤀᤠᤏᤡᤃᤧ ᤏᤡᤱᤘᤠ᤹ᤑᤢᤔᤠᤱ ᤁᤧᤔᤧᤳᤋᤢᤶᤒᤠ ᤐᤠᤏᤢᤍᤡᤱ ᤀᤠᤶᤒᤠᤖᤧᤀᤣ ᤀᤡᤱᤃᤠ᤹ ᤀᤠᤔᤡᤔᤡᤍᤡᤱ ᤆᤥᤃᤢ᤹ᤖᤥ॥
55ᤂᤡᤏᤡ᤹ᤃ ᤂᤢᤏᤧ᤹ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤇᤠᤱ ᤀᤡᤱᤃᤠ᤹ ᤂᤢᤏᤧ᤹ ᤁᤢᤛᤡᤱ ᤏᤡ᤺ᤳᤋᤢᤱᤗᤥ॥ ᤀᤡᤱᤃᤠ᤹ ᤂᤢᤏᤧ᤹ ᤁᤢᤛᤡᤱ ᤔᤧᤏᤡ᤺ᤳᤋᤢᤱᤅᤡᤴ ᤗ᤹ᤖᤡᤰ ᤐᤠ᤺ᤳᤋᤢᤱᤏᤧ ᤑᤠ᤹ᤃᤪ ᤂᤡᤏᤡ᤹ ᤜᤧᤰᤁᤣᤀᤣ ᤀᤡᤱᤃᤠ᤹ ᤀᤡᤱᤗᤧᤰᤁᤣ ᤐᤥ᤺ᤱᤅᤠᤖᤥ. ᤁᤖ ᤀᤡᤱᤃᤠ᤹ ᤂᤢᤏᤧ᤹ ᤁᤢᤛᤡᤱ ᤏᤡ᤺ᤳᤋᤢᤱᤅᤠᤱ ᤁᤢᤒᤠ᤺ᤴᤈᤠᤰᤁᤡᤴ ᤀᤡ᤺ᤳᤋᤢᤱ ᤏᤠ᤺ᤳᤋᤢᤱᤗᤥ॥
56ᤂᤡᤏᤡ᤹ ᤛᤢᤎᤧᤒᤠ ᤋᤠᤰᤌᤧᤒᤠ ᤀᤒᤪᤠᤜᤠᤔᤖᤧᤀᤠᤱ ᤁᤴ ᤀᤠᤍᤠ᤺ᤔᤠ ᤕᤧᤶᤔᤡᤴ ᤀᤥᤔᤧᤵᤔᤠ ᤑᤠ᤹ᤀᤠᤱ ᤛᤠ᤹ᤖᤡᤰ ᤁᤢᤛᤡᤰ ᤛᤔᤧᤀᤠᤱ ᤘᤕᤧ॥ ᤜᤧᤰᤁᤩᤠᤱ ᤂᤧᤴ ᤕᤧᤴᤏᤡᤴ ᤏᤡ᤺ᤛᤢᤀᤠᤱ ᤛ᤺ᤳᤋᤧᤖᤥ॥”
57ᤕᤜᤢᤍᤡᤜᤠ᤹ᤖᤧ ᤂᤢᤏᤧ᤹ ᤔᤧᤔᤧᤳᤋᤢ. “ᤂᤧᤏᤧ᤹ᤃ ᤋᤱᤒᤣ ᤅᤠᤃᤡᤵᤐᤠᤱ (᥋᥆) ᤔᤧᤱᤃᤧᤳᤋᤣ ᤁᤧᤘᤠ᤹ ᤜᤧᤰᤁᤣ᤺ᤸᤗᤧ ᤀᤠᤰᤂᤣᤗ᤹ᤖᤡᤰ ᤀᤒᤪᤠᤜᤠᤶᤔᤡᤴ ᤁᤧᤏᤡ᤺ᤛᤢᤀᤠᤱ ᤁᤧᤘᤠ᤹ᤒᤣ᥅”
58ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤜᤧᤰᤁᤣ᤺ᤸᤗᤧ ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱᤗᤥ. ᤀᤒᤪᤠᤜᤠᤶᤔᤡᤴ ᤛᤠᤘᤠ᤺ᤴᤇᤡᤱᤔᤠᤏᤢ᤺ᤸᤗᤧ ᤋᤃᤡᤀᤠᤱᤎᤥᤀᤣ ᤀᤡᤱᤃᤠ᤹ ᤘᤠ᤹ᤀᤠᤖᤥ॥”
59ᤜᤧᤰᤁᤣ ᤐᤠ᤺ᤳᤋᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤗᤧᤵᤔᤠ ᤛᤧᤵᤔᤠ ᤑᤠ᤹ᤀᤠᤱ ᤗᤢᤱ ᤔᤧᤄᤵᤛᤢ. ᤁᤖ ᤕᤧᤛᤢ᤺ᤴ ᤆᤡᤱᤛᤡᤱᤅᤠᤱ ᤔᤠᤱᤜᤡᤶ ᤗᤰᤂᤢᤶᤔᤥᤗᤠᤶ ᤛᤫᤠ᤺ᤳᤋᤠᤱ ᤗ᤺ᤴᤍᤧ ᤐᤣᤖᤥ॥
ᤕᤢᤜᤢᤴᤏᤠ 8
ᤕᤢᤜᤢᤴᤏᤠ 8:54-59