2ᤕᤖᤡᤰ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤔᤧᤍᤡᤶᤍᤢ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤁᤧᤍᤢᤰᤐᤠᤜᤠ᤹ ᤘᤣ᤺ᤴᤍᤢᤛᤡᤒᤠ ᤏᤡᤱᤘᤠ᤹ ᤁᤧᤔᤠᤒᤠ ᤔᤡᤰᤛᤣ᤺ᤴᤜᤠ᤹ ᤔᤧᤏᤡ᤺ᤛᤢᤀᤠᤱ ᤔᤧᤘᤕᤧᤖᤥ॥
3ᤕᤧᤛᤢ᤺ᤴ ᤌᤥ ᤁᤥ᤺ᤰᤔᤠᤀᤥ ᤐᤣ ᤜᤧᤰᤁᤩᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤏᤢ ᤕᤢᤱᤛᤡᤱᤗᤥ॥
4ᤂᤧᤴ ᤕᤧᤶᤔᤥ ᤕᤜᤢᤍᤡ ᤆᤥ᤺ᤰᤕᤢᤶᤓᤥ ᤋᤱᤏᤠᤶᤔᤡᤴ ᤏᤡ᤺ᤳᤋᤠᤱᤅᤣ ᤋᤩᤧ ᤆᤢᤖᤧᤀᤠᤱ ᤘᤕᤧᤖᤥ॥
5ᤜᤧᤰᤁᤩᤠᤱ ᤔᤏᤠᤜᤠ᤹ ᤂᤢᤏᤧ᤹ᤀᤥ ᤔᤧᤎᤠᤅᤧᤖ ᤔᤧᤒᤳᤇᤧᤒᤠ ᤕᤧᤛᤢᤖᤧ ᤏᤡ᤺ᤛᤢᤛᤡᤀᤠᤱ ᤑᤡᤗᤡᤵᤐᤧᤴ ᤛᤣ᤺ᤴᤍᤥᤛᤢ. “ᤀᤠᤸᤗ ᤀᤠᤳᤋᤡᤏᤢ ᤂᤖᤧ᤺ᤱᤅᤡᤴ ᤀᤠᤀᤡᤅᤢᤶᤔᤠᤱ ᤁᤴ ᤔᤏᤠᤜᤠ᤹ ᤀᤠᤈᤠ᤺ᤳᤋᤢᤶᤛᤡᤶᤒᤠᤒᤣ᥅”
6ᤂᤢᤏᤧ᤹ ᤑᤡᤗᤡᤵᤐᤧᤴ ᤁᤢᤏᤡᤱᤘᤠ᤹ ᤛᤠ᤹ᤔᤠ ᤑᤠ᤹ᤀᤠᤱ ᤀᤰᤂᤣᤗ᤹ᤖᤡᤰ ᤔᤧᤳᤋᤢᤒᤠᤖᤥ. ᤌᤣᤀᤠᤱᤓᤧᤸᤗᤧ ᤕᤧᤛᤢᤖᤧ ᤌᤣ ᤆᤥᤃᤢᤱ ᤁᤧᤗ᤹ᤒᤠᤴ ᤋᤃᤡᤛᤠ ᤁᤢᤏᤡᤱᤘᤠ᤹ᤀᤥ ᤘᤕᤧᤖᤥ॥