2 यरिक् मनाहाॽरे़ खुने़ॽ मे़दिम्दु, थेआङ्भे़ल्ले़ खुने़ॽ के़दुक्पाहाॽ वेःन्दुसिबा निङ्वाॽ के़माबा मिक्सेःन्हाॽ मे़निःसुआङ् मे़वये़रो॥
3 ये़सुःन् थो कोःक्माओ पे हे़क्क्याङ् कुहुॽसाम्बाहाॽनु युङ्सिङ्लो॥
4 खे़न् ये़म्मो यहुदि चोःक्युम्भो तङ्नाम्मिन् निःत्ताङ्ङे त्ये़ चुरे़आङ् वये़रो॥
5 हे़क्क्याङ् मनाहाॽ खुने़ॽओ मे़धाङे़र मे़बत्छे़बा ये़सुरे़ निःसुसिआङ् फिलिप्पे़न् सेःन्दोसु, “आल्ल आत्तिनु खरे़ःङ्ङिन् आइङुम्माङ् कन् मनाहाॽ आजाःत्तुम्सिम्बाबे?”
6 खुने़ॽ फिलिप्पे़न् कुनिङ्वाॽ साॽमा फाॽआङ् अक्खेलॽरिक् मे़त्तुबारो, थेआङ्भे़ल्ले़ ये़सुरे़ थे चोगुङ् के़लॽबान् तगिसा कुनिङ्वाॽओ वये़रो॥
