42ᤂᤧᤏᤧ᤹ᤃ ᤛᤍᤠᤍᤡᤱ ᤀᤠᤒᤣᤗᤡ᤺ᤴ ᤁᤧᤄᤧᤵᤛᤢ᤹ ᤁᤧᤗ᤹ᤒᤠ ᤀᤡᤱᤃᤠ᤹ ᤏᤡ᤺ᤛᤢᤱᤗᤥ. ᤁᤖ ᤀᤡᤱᤃᤠ᤹ ᤁᤵᤔᤥ ᤀᤠᤄᤡᤖᤡ ᤁᤧᤕᤧᤵᤐᤠ ᤔᤏᤠᤜᤠ᤹ᤖᤧ ᤂᤧᤏᤧ᤹ ᤕᤠᤵᤔᤡ ᤁᤧᤒᤠᤱᤄᤧᤒᤠ ᤐᤠ᤺ᤴᤏᤡᤴ ᤏᤛᤠ᤺ᤴ ᤔᤧᤈᤥᤃᤢᤖ ᤑᤠ᤹ᤀᤠᤱ ᤁᤴ ᤐᤠ᤺ᤴᤏᤡᤴ ᤐᤠ᤺ᤳᤋᤢᤱᤒᤠᤖᤥ॥”
43ᤕᤧᤛᤢᤖᤧ ᤀᤰᤂᤣ ᤐᤠ᤺ᤳᤋᤢᤖ ᤕᤶᤒᤠ ᤀᤡᤰᤗᤠᤀᤥ ᤀᤢ᤺ᤳᤋᤢ. “ᤗᤠᤈᤖᤛ᤻ᤛᤣ. ᤗᤠ᤺ᤰᤁᤠᤳ ᤗ᤺ᤴᤍᤧ᤹ᤀᤥ᥄”
44ᤁᤧᤛᤡ᤺ᤒᤠ ᤗᤠᤈᤖᤛᤧᤴ ᤗᤠ᤺ᤰᤁᤠᤳ ᤗ᤺ᤴᤍᤧ. ᤂᤢᤏᤧ᤹ ᤁᤢᤗᤠᤱ ᤏᤢ ᤁᤢᤜᤢᤰᤜᤠ᤹ ᤆᤣᤍᤣ᤺ᤳᤋᤡᤸᤗᤧ ᤁᤢᤓᤠᤰ ᤁᤢᤓᤠᤰ ᤔᤧᤃᤡᤳᤋᤢᤀᤠᤱ ᤐᤳᤇᤧ ᤜᤧᤰᤁᤩᤠᤱ ᤁᤢᤏᤠᤖᤠ᤺ᤴᤏᤠᤱ ᤆᤡᤖᤡᤰᤁᤡᤸᤗᤧ ᤔᤧᤍᤧᤵᤋᤢᤀᤠᤱ ᤐᤳᤇᤧᤖᤥ॥ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤆᤣᤍᤣ᤺ᤳᤋᤡᤴ ᤑᤠ᤺ᤰᤂᤧᤶ ᤐᤡᤖᤧᤶᤔᤧ᤹ᤀᤠᤱ ᤐᤣ᤺ᤰᤗ ᤕᤠ᤺ᤴᤍᤧᤶᤔᤧ᤹॥”
45ᤂᤧᤸᤗᤧ ᤆᤥᤃᤢᤸᤗᤧ ᤂᤧᤵᤔᤥ ᤔᤖᤡᤕᤔᤖᤧ ᤁᤢᤍᤢᤶᤛᤧ ᤁᤧᤍᤠ᤺ᤒᤠᤀᤠᤱ ᤁᤧᤘᤠ᤹ᤒᤠ ᤕᤖᤡᤰ ᤕᤜᤢᤍᤡᤜᤠ᤹ᤖᤧ ᤁᤴ ᤐᤠ᤺ᤴᤏᤡᤴ ᤔᤧᤏᤡ᤺ᤛᤢᤀᤠᤱ ᤕᤧᤛᤢ᤺ᤴ ᤏᤛᤠ᤺ᤴ ᤔᤧᤈᤥᤃᤢᤖᤥ॥
46ᤁᤖ ᤁᤢᤓᤠ ᤔᤏᤠᤜᤠ᤹ᤃ ᤑᤖᤡᤛᤡᤜᤠ᤹ᤀᤥ ᤔᤧᤒᤣᤀᤠᤱ ᤕᤧᤛᤢᤖᤧ ᤆᤥᤃᤢᤒᤠ ᤐᤠ᤺ᤴᤜᤠ᤹ ᤔᤧᤈᤧᤰᤋᤢᤛᤡ॥
47ᤜᤧᤰᤁᤩᤠᤱ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤑᤖᤡᤛᤡᤜᤠ᤹ᤖᤧ ᤐᤠ᤺ᤴᤎᤰᤛᤧ ᤕᤜᤢᤍᤡ ᤕᤧᤈᤢᤶᤓᤥ ᤕᤢᤱᤔᤠ ᤔᤧᤀᤢ᤺ᤳᤋᤢᤛᤡ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤠᤸᤗ ᤀᤠᤏᤡ᤹ ᤌᤣ ᤀᤠᤈᤥᤃᤢᤶᤒᤠᤒᤣ᥅ ᤗ᤹ᤖᤡᤰ ᤛᤣ᤺ᤴᤔᤧᤍᤥᤛᤢᤛᤡ॥ ᤁᤴ ᤔᤏᤠ᤺ᤸᤗᤧᤃ ᤕᤖᤡᤰ ᤏᤡᤱᤘᤠ᤹ ᤁᤧᤔᤠᤒᤠ ᤔᤡᤰᤛᤣ᤺ᤴᤜᤠ᤹ ᤆᤥᤃᤢᤖ ᤘᤠ᤹ᤖᤥ॥
48ᤒᤠ ᤀᤰᤂᤣ ᤗᤧᤵᤔᤠᤏᤧ ᤑᤠ᤹ᤃᤪ ᤁᤠᤰ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤏᤛᤠ᤺ᤴ ᤔᤧᤈᤥᤃᤢ᤹ᤀᤠᤱ ᤔᤧᤍᤡᤶᤍᤢ᤹॥ ᤜᤧᤰᤁᤩᤠᤱ ᤖᤥᤔᤡ ᤌᤰᤛᤢᤒᤠᤜᤠ᤹ ᤔᤧᤍᤠᤀᤠᤱ ᤔᤠᤱᤜᤡᤶᤔᤡᤴ ᤏᤢ ᤀᤠᤏᤡ᤹ ᤛᤢᤘᤠᤱᤜᤠ᤹ ᤔᤧᤔᤧᤰᤂᤢᤛᤡ᤹ᤖᤥ॥
49ᤜᤧᤰᤁᤩᤠᤱ ᤂᤧᤴ ᤋᤱᤒᤣᤒᤠ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤁᤤᤕᤠᤑᤠᤛᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤌᤣᤀᤠᤱ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤗᤥ᥄
ᤕᤢᤜᤢᤴᤏᤠ 11
ᤕᤢᤜᤢᤴᤏᤠ 11:42-49