ዮሃኒሳ 8:27-34

²⁷ኢዚ ኢስታስ ኣዋ ጊሽ ዮቲዛይሳ ኣኬኪቤቴና።

²⁸ሄሳ ጊሽ ዬሱሲ “ኢንቴ ኣሳ ና ꬎቁ ሂስቲዲ ካቂዳ ዎዴ ታኒ ኢዛ ጊዳዴይ ታና ጊዲዳይሳ ኢንቴ ኤራና። ኣዋይ ታና ታማርሲዳይሳ ዮታዲስ ኣቲን ታኒ ታ ሼኔ ማላ ኣይኮካ ኦꬆንታይሳ ኢንቴ ኣኬካና።

²⁹ታና ኪቲዳይሲ ኢዚ ታናራ ዴስ። ኣይ ዎዴካ ታ ኡፋይሲዛዝ ኦꬂዛ ጊሽ ኢዚ ታና ፃላላ ዬጊ ኣጊቤና” ጊዴስ።

³⁰ኢዚ ሄሳ ዮቲዳ ማላ ዳሮ ኣሳይ ኢዛን ኣማኒዴስ።

³¹ዬሱሲ ባና ኣማኒዳ ኣይሁዳታ “ኢንቴ ቱሙ ታ ቃላን ዲኮ ኢንቴ ቱማፔ ታና ካሊዛይታ ጊዳና።

³²ቱማይ ኣዛኮኔ ኢንቴ ኤራናኔ ቱማይካ ኢንቴና ዎዛና” ጊዴስ።

³³ኢስቲካ ኢዛስ ዛሪዲ “ኑኒ ኣብራሃሜ ናይታኮ! ኑ ኦናስካ ኣይሌቲ ኤሮኮ። ሂስቲን ኔ ኑና ዋናዳ ኢንቴ ዎዜታና ጋይ?” ጊዳ።

³⁴ዬሱሲካ ኢስታስ “ታ ኢንቴስ ቱሙ ጋይስ፤ ናጋራ ኦꬂዛዴይ ዉሪ ናጋራስ ኣይሌ፤