28ኢስቲካ ኢዛ “ሂስቲን ፆሳ ኦሶ ኦꬃናስ ኑ ኣይ ኦꬂኖ?” ጊዳ።
29ዬሱሲካ “ፆሳ ኦሶይ ፆሲ ኪቲዳ ኢዛ ናዛን ኣማኖ” ጊዲ ኢስታስ ዛሪዴስ።
30ኢስቲካ ኢዛስ “ኑ ቤዪዲ ኔና ኣማናና ማላ ኔ ኑና ኣይ ማላታ ቤሳኔ? ቃሴካ ኣይ ኦꬃኔ?
31‘ኢስቲ ማና ማላ ኢስታስ ቁማ ሳሎፔ ኢሚዴስ’ ጌቴቲ ፃፌቲዳ ማላ ካሴ ኑ ኣዋቲ ባዞ ቢታን ማና ጌቴቲዛ ካꬅ ሚዳ” ጊዳ።
32ዬሱሲ ኢስታስ “ታ ኢንቴስ ቱሙ ጋይስ፤ ሳሎፔ ዎꬊዳ ቁማ ኢንቴስ ኢሚዳይ ሙሴ ጊዴና። ቱሙ ቁማ ሳሎፔ ኢንቴስ ኢሚዛይ ታ ኣዋ።
33ጋሶይካ ፆሳ ቁማይ ሳሎፔ ዎꬊዲ ኣላሜስ ዴዖ ኢሚዛይሳ” ጊዴስ።
34ሄሳ ጊሽ ኣሳይ “ጎዶ ሄሳ ማላ ቁማ ኑስ ኡባ ዎዴ ኢማርኪ!” ጊዴስ።
35ዬሱሲካ ኢስታስ “ዴዖ ቁማይ ታና፤ ታኮ ዪዛ ኣሲ ሙሌካ ጋፌቴና፤ ታና ኣማኒዛዴይ ኣይዴካ ሳሜቴና።