ዮሃኒሳ 4:1-9

¹ሄ ዎዴ ዬሱሲ ዮሃኒሳፔ ቦላራ ዳሮ ኣሳ ባና ካሊዛዴይ ኦꬂዛይሳኔ ፃማቂዛይሳ ፋርሳዌቲ ሲዪዳ።

²ጊዶ ኣቲን ፃማቂዛይቲ ኢዛ ካሊዛይታፔ ኣቲን ኢዚ ፃማቂቤና።

³ኢዛ ጊሽ ሃሳዬቲዛይሳ ፋርሳዌቲ ሲይዳ ዬሱሲ ኤሪዲ ዩሁዳ ዴሬ ኣጊዲ ጋሊላ ዴሬ ሲሚ ቢዴስ።

⁴ኢዚ ሄ ቢሺን ሳማሪያራ ኣꬊ ባናይሲ ኢዛስ ኣቶንታዝ ጊዲዴስ።

⁵ሄሳ ጊሽ ሲካሮ ጌቴቲዛሶ ሳማሪያ ካታማ ቢዴስ። ሲካራ ያቆቤይ ባ ና ዮሴፌስ ኢሚዳ ቢታ ኣቻን ዳዉስ።

⁶ሄንካ ያቆቤ ሃꬃ ኦላይ ዴስ። ዬሱሲ ኦጌ ሃሙቲ ዳቡሪዳ ጊሽ ሄ ኦላይ ኣቻን ኡቲዴስ። ዎዴይካ ጋላሳፌ ኡሱፑን ሳቴ ማላ።

⁷ሄሳ ዎዴ ኢሲ ሳማሪያ ዴሬ ማጫስ ዲዛራ ሃꬄ ዱቃናስ ሄ ሃꬃ ኦላኮ ያዱስ። ዬሱሲካ ኢዞ “ታና ሃꬄ ኡሻ” ጊዴስ።

⁸ሄሲ ሃኒሺን ዬሱሳ ካሊዛይቲ ቁማ ሻማና ካታማ ቢዳ።

⁹ሂና ሳማሪያ ማጫሳያ ዬሱሳ “ኔ ኣይሁዳ ኣስ ጊዳ ኡታዳ ዋናዳ ታና ሳማሪያ ማጫስ ‘ሃꬄ ኡሻ’ ጋ ኦይቻይ?” ጋዱስ። ኢዛ ሄሳ ጊዳይ ኣይሁዳ ኣሳሲኔ ሳማሪያ ኣሳስ ጋጎቴꬂ ዶንታ ጊሻሳ።