3ዬሱሲካ ኢዛስ ዛሪዲ “ታ ኔስ ቱሙ ጋይስ፤ ኣሲ ናምዓንꬆ ዬሌቶንታ ኣጊኮ ፆሳ ካዎቴꬅ ቤያናስ ዳንዳዬና” ጊዴስ።
4ኒቆዲሞሲካ ዛሪዲ “ሂስቲን ኣሲ ጪሚዳፔ ጉዬ ዋኒዲ ናምዓንꬆ ዬሌታና ዳንዳዪዜ? ቃሴካ ጌዴ ባ ኣዪ ኡሎን ሲሚ ጌሊዲ ዬሌታኔ?” ጊዲ ኦይቺዴስ።
5ዬሱሲካ ኢዛስ “ታ ኔስ ቱሙ ጋይስ፤ ኣሲ ሃꬃፌኔ ፂሎ ኣያናፔ ዬሌቶንታ ዲሼ ፆሳ ካዎቴꬅ ጌላናስ ዳንዳዬና።
6ኣሳፔ ዬሌቲዳይ ኣሳ። ኣያናፔ ዬሌቲዳይ ኣያና።
7ሄሳ ጊሽ ‘ኢንቴ ናምዓንꬆ ዬሌታናስ ኮሼስ’ ታ ኔና ጊዳ ጊሽ ማላሌቶፋ።
8ጫርኮይ ባ ኮይዳ ባጋ ጫርኬስ። ኔ ጫርኮስ ጊሪስ ሲያሳ ኣቲን ኢዚ ኣዋፔ ዪዛኮኔ ኣዋ ቢዛኮ ኤራካ። ኣያናፔ ዬሌቲዳይካ ሄሳ ማላ” ጊዴስ።
9ኒቆዲሞሲ “ሃይሲ ዋኒ ሃናና ዳንዳዒዜ?” ጊዲ ኦይቺዴስ።
10ዬሱሲካ ኢዛስ “ኢስራዔሌ ኣስታማሬ ጊዳ ኡታዳ ሄሳ ኔ ኤሪኪ?
11ታ ኔስ ቱሙ ጋይስ፤ ኑኒ ኑ ኤርዛይሳ ዮቶስ። ኑ ቤዪዳይሳ ማርካቶስ ጊዶ ኣቲን ኢንቴ ኑ ማርካቴꬅ ኤኬኬታ።
12ታ ኢንቴስ ሃይሳ ሃ ቢታ ዮዖ ዮቲን ኣማኖንታ ኢፂኮ ሳሎ ሚሽ ዮቲኮ ዎስቲ ኢንቴ ኣማናኔ?
13ሳሎፔ ዱጌ ዎꬊዳ ኣሳ ናፔ ኣቲን ፑዴ ሳሎ ኬዚዳይ ሃራይ ኦኒካ ዴና።
14“ባዞ ቢታን ሙሴይ ሾሽ ꬎቁ ሂስቲ ካቂዳይሳꬆ ሄሳꬆካ ኣሳ ናይ ꬎቃሶን ካቄታናስ ቤሴስ።
ዮሃኒሳ 3
ዮሃኒሳ 3:3-14