ዬሱሲ ኪቴዳዋንቱ ኦሱዋ 20:24-32

²⁴ሺን ታ ዎꬃ ፖላናዉኔ ጎዳ ዬሱሲ ኪሪስቶሳፔ ታኒ ኣኬዳ ኦሱዋ ፆሳ ኣꬎ ኬካቴꬃ ዎንጋላ ሚሺራቹዋ ማርካቲያዋ ፖላናው፥ ታ ሼምፑዋ ማዴናዋዳን ፓይዳይ።

²⁵«ቤዒቴ፤ ታኒ ሃዒካ ፆሳ ካዉቴꬃባ ኦዳዴ፥ ሂንቴንቱ ኡባ ጊዶን ዩያዲ፤ ሲሚ ሃዋፔ ሲንꬃው ሂንቴንቱፔ ኦኒኔ ታና ቤዔናዋ ኤራይ።

²⁶ሄዋ ዲራው፥ ሂንቴንቱፔ ኢቲ ኡራይ ባዮፔካ ታኒ ሄዋን ጌሌናዋ ሃቼ ሂንቴንቶ ጌሻዴ ኦዳይ።

²⁷ኣዪሲ ጎፔ፥ ፆሳይ ኦꬃናው ቆፔዳዋ ኡባ ሂንቴንቶ ኣይኔ ኣሼናን ኦዳዲ።

²⁸«ዬሱሲ ባሬ ሱꬃን ዎዜዳ ፆሳ ኣማኒያዋንታ ናጊቴ፤ ቃሲ ጌሻ ኣያናይ ሂንቴንታ ካፓቱዋ ኦꬂዴ ሱንꬄዳ ዉዲያ ኡባኔ ሂንቴንቱ ሁጲያ ናጊቴ።

²⁹ታኒ ቤዳዋፔ ጉዪያን፥ ዉዲያሲ ቃሬቴና ኢታ ዎራካናቱ ሂንቴንቱ ጊዶ ጌላናዋንታኔ፥ ካሊያዋንታ ባሬንቱ ጌዱዋ ካሌꬃናው ዎርዱዋ ሃሳዪያ ኣሳቱ ሂንቴንቱ ጊዶፔ ዴንዳናዋ ኤራይ።

³¹ሄዋ ዲራው፥ ታኒ ሄዙ ላይꬃ ቃማኔ ጋላሳ ኣፎꬃኒ ሂንቴንታ ሁጲያን ሁጲያን ሚኒሲያዋ ኣጋቤናዋ ቆፒዴ ጌንጪቴ።

³²«ሃዒካ ሂንቴንታ ሚኒሳናዉኔ ጌሻ ኣሳ ኡባ ጊዶን ላቲሳናው ዳንዳዪያ ፆሳሲኔ ኣ ኣꬎ ኬካቴꬃ ቃላሲ ሂንቴንታ ሃዳራ ኢማይ።