24ሺን ታ ዎꬃ ፖላናዉኔ ጎዳ ዬሱስ ኪሪስቶሳፔ ኤኪዳ ኦሱዋ፥ ፆሳ ኣꬎ ኬሃቴꬃ ዎንጌላ ማርካቴይሳ ፖላናው ታ ሼምፒው ፓꬆናባዳ ቆዳይስ።
25«ታኒ ሃዒካ ፆሳ ካዎቴꬃ ማርካታሼ ሂንቴ ኡባ ጊዶን ዩያስ። ሂዛፔ ጉዬ ሂንቴፌ ኦኒካ ታና ቤዖናይሳ ኤራይስ።
26ሄሳ ጊሾ፥ ሂንቴፌ ኢሲ ኡራይ ꬋዪኮካ ታ ኦይሼቶናይሳ ሃቺ ሂንቴው ጌሻዳ ኦዳይስ።
27ኣይስ ጊኮ፥ ፆሳይ ኦꬃናው ቆፒዳባ ኡባ ሂንቴው ኣይቢባካ ኣሾና ኦዳስ።
28«ባ ናዓ ሱꬃን ዎዚዳ ፆሳ ዎሳ ኬꬃ ናጊቴ። ጌሻ ኣያናይ ሂንቴና ሃላቃ ኦꬂዲ ዶሪዳ ዉዲያሲኔ ሂንቴ ሁዒያስ ናጌቲቴ።
29ታኒ ቢዳፔ ጉዬ፥ ዉዲያስ ቃꬌቶና ኢታ ሱꬉሜቲ ሂንቴ ጊዶ ጌላናይሳ ታ ኤራይስ።
30ኣማኔይሳታ ባንታ ጌዶ ካሌꬃናው ዎርዶ ታማርሲያ ኣሳቲ ሂንቴ ጊዶፌ ዴንዳና።
31ሄሳ ጊሾ፥ ታኒ ሄꬑ ላይꬂ ቃማኔ ጋላስ ኣፉꬃን ሂንቴና ሁዔን ሁዔን ሚንꬄꬂዳይሳ ቆፒሼ ናጌቲቴ።
32«ሃዒካ ሂንቴና ሚንꬃናዉኔ ጌሻ ኣሳራ ላቲሳናው ዳንዳዒያ ፆሳሲኔ ኢያ ኣꬎ ኬሃቴꬃ ቃላስ ሂንቴና ሃዳራ ኢማይስ።
ሃዋሬታ ኦሱዋ 20
ሃዋሬታ ኦሱዋ 20:24-32