ኤፌሶኔ 2

1

2

3

4

5

6

¹ኢንቴ ኢንቴ ቆሂዳ ቆሆ ጊሺኔ ኢንቴ ናጋራ ጋሶን ሃይቂዴይታ ሺን፥

²ሄሳ ኢንቴ ሃይሳ ኣላሜዛ ኢታ ኦጌ ካሊዴታ። ቦላ ጫርኮ ቦላ ዲዛ ዎልቃማ ሃሪዛይሳስ ሃዒካ ፆሳስ ኣዛዜቶንታ ኣሳ ቦላ ኦꬂዛ ኢታ ኣያናስ ኢንቴ ኣዛዜቲሼ ጋምዒዴታ።

³ሃይሳፌ ካሴ ኑኒ ኑ ኣሾ ኣሞቴꬅ ፖሊሼ ኣሾይ ኮዪዛ ኦጌ ካሊሼ ኢስታራ ዶስ። ኑኒካ ሃንኮ ኣሳ ማላ ኑ ሜꬌቴꬃፌ ፆሳ ሃንቆ ጊዶን ዴዖስ።

⁴ጊዶ ኣቲን ፆሲ ኬሂ ሲቂዳ ጊሽ ባ ማሮቴꬃ ዳሮን ኑኒ ኑ ቆሆ ዳሬቴꬃን ሃይቂዳይታ ጊዲ ዲሺን ኪርስቶሳ ባጋራ ኑና ኣሺዴስ። ኢንቴ ፓፂዳይ ኢዛ ኪያቴꬃና።

⁶ፆሲ ኑና ኪርስቶሳራ ጋꬂ ዴንꬂዴስ። ዬሱስ ኪርስቶሳ ባጋራ ኑና ሳሎን ባናራ ኡቲሲዴስ።

⁷ሄሲካ ሃይሳፌ ጉዬ ያና ዎዴዛን ዬሱስ ኪርስቶሲ ኑስ ባ ኪያቴꬃን ቆንጪሲዳ ዛዋይ ባይንዳ ባ ኪያቴꬃ ዱሬቴꬃ ኑና ቤሳናሳ።

⁸ኢንቴ ፆሳ ኪያቴꬃን ኣማኖን ኣቲዴታ። ሄሲካ ፆሲ ኢንቴስ ሜላ ጮ ኢሚዳዛፔ ኣቲን ኢንቴ ኦሶፔ ጊዴና።

⁹ኦኒካ ጬቄቶንታ ማላ ኦሶፔ ጊዴና።

¹⁰ሄሲካ ፆሲ ካሴ ኮይሮ ጊጊሲ ዎꬂዳ ሎዖ ኦሶ ኑኒ ኦꬃና ማላ ዬሱስ ኪርስቶሳ ባጋራ ኑኒ ናምዓንꬆ ሜꬌቲዳይታኔ ፆሳ ሜꬌቴꬃታ።

¹¹ሄሳ ጊሽ ኢንቴ ካሴ ኢንቴ ዬሌቴꬃን ኣይዛቤቲ ኢንቴ ኣሳቴꬃ ቦላ ኣሳ ኩሼ ኦሶ ጌዶን “ኑኒ ቃፃሬቲዶስ” ጊዛ ኣሳቲ ኢንቴና “ቃፃሬቶንታይታ” ጊዛይቶ! ኢንቴ ሄሳ ኣኔ ዎዝናን ዎꬂቴ።

¹²ኢንቴ ሄ ዎዴ ኪርስቶሳፔ ሻኬቲዲ፥ ኢስራዔሌ ናይታፔ ሃኪዲ፥ ጫቆ ቃላሲካ ኣላጋ ጊዲዲ፥ ሃይሳ ኣላሜዛ ቦላ ሂዶታይኔ ፆሲ ባይንዳ ኢንቴ ካሴ ዲዛይሳ ዩሺ ቆፒቴ።

¹³ሃዒ ቃሴ ኢንቴ ካሴ ሃሆን ዲዛይቲ ዬሱስ ኪርስቶሳን ጊዲዲ ኢዛ ሱꬃ ባጋራ ሺቂዴታ።

¹⁴ናምዓታ ኢሲ ቦላ ጋꬂዲ ጊዶን ሻኪ ኦሺዛ ሚሻ ላሊዳ ኑ ሳሮይ ኢዛ።

¹⁵ዎጋ፥ ዎጋ ኣዛዞራ ጋꬂ ኢሲፌ ባ ኣሾን ሻሪዴስ። ሄሳ ኢዚ ኦꬂዳ ጋሶይ ኢዛስ ዋና ቆፋይ ናምዓታፔ ኢሲ ኦራꬃ ኣስ ባ ባጋራ ሜꬊዲ ሳሮቴꬅ ኤሃናሳ።

¹⁶ኢዚ ማስቃሌ ቦላ ሃይቂዲ ሞርኬቴꬅ ዲጊዴስ። ናምዓታካ ኢሲ ኣሾ ሂስቲዲ ፆሳራ ማቃዪንꬂዴስ።

¹⁷ኢዚ ዪዲ ኢንቴና ሃኪ ዲዛይታሲኔ ማታን ዲዛይታስ ጋꬂ ሳሮቴꬅ ሳባኪዴስ።

¹⁸ኑ ዉሪካ ኢዛ ባጋራ ኢሲ ኣያናን ኣዋ ኣች ሺቃና።

¹⁹ሄሳ ጊሽ ኢንቴ ኣማኒዛይታራ ኢሲፌ ኢሲ ዴሬ ኣሳኔ ፆሳስ ሶ ኣሳ ኣቲን ሃይሳፌ ጉዬ ቤቴታኔ ኢማꬃታ ጊዴኬታ።

²⁰ኢንቴ ሃዋሬታኔ ናቤታ ባሳን ኬፄቲዴታ፤ ኬꬃስ ዉርሴꬃ ኩሻይ ዬሱስ ኪርስቶሳ።

²¹ኬꬃዚ ዉሪካ ኢሲፌ ኦይኬቲዲ ጎዳስ ዱማ ኬꬄ ጊዳናስ ዲጬስ።

²²ኢንቴንካ ፆሲ ባ ኣያናን ዳናስ ኢዛስ ዱሳሶ ጊዳና ማላ ኢሲፌ ኬፄቲሼ ዴታ።