40ሺን ሃንኮ ዎራንꬖይ፥ «ኔኒ ሃይሳ ሜላ ፒርዳን ዴዓሼ ሃሪ ኣቶሺን፥ ፆሳስ ያዪኪ?
41ኑኒ ኑ ባላስ ቤሲያ ፒርዳ ኤኮስ፥ ሺን ሃ ኡራይ ኢሲ ኢታባካ ኦꬂቤና» ያጊዲ ሃንቄቲስ።
42ቃሲካ፥ «ዬሱሳ፥ ኔ ኔ ካዎቴꬃራ ያ ዎዴ ታና ቆፓ» ያጊስ።
43ዬሱሲ፥ «ታ ኔው ቱማ ኦዳይስ፤ ሃቺ ኔኒ ታራ ጋናቴን ጊዳና» ያጊስ።
44ሄ ጋላስ ኡሱፑን ሳቴፔ ቢዲ ኡዱፉን ሳቴ ጋካናው ኣዋይ ፖዑዋ ዲጊዳ ጊሾ ቢታ ኡባ ቦላ ꬉማ ጊዲስ። ፆሳ ኬꬃ ማጋራጆይ ዳኬቲዲ ናምዓን ሻኬቲስ።
46ዬሱሲ፥ ቃላ ꬎቁ ኦꬂዲ፥ «ታ ኣዋው፥ ታ ታ ሼምፒው ኔ ኩሼን ሼꬋይስ» ያጊዲ ሃይቂስ።
47ማቶ ሃላቃይ፥ ሃኒዳይሳ ቤዒዲ፥ «ሃይሲ ኡራይ ቱማካ ፂሎ» ያጊዲ ፆሳ ጋላቲስ።
48ሃ ሃኒያባ ቤዓናው ሄ ቤሳ ሺቂዳ ኣሳ ኡባይ ሃኒዳባ ቤዒዳ ዎዴ ባንታ ቲራ ኢጪሼ ባንታ ሶ ሲሚዶሶና።