ሃዋሬታ ኦሶ 12:19-25

¹⁹ሄርዶሲ ጴፅሮሳ ኣስ ዬዲ ኮይሲዲ ኢዚ ꬋዪዳ ጊሽ ናጊዛይታ ሎዔꬂ ኦይቺዳፔ ጉዬ ኢስታ ዎꬋና ማላ ኣዛዚዴስ። ሄሳፌ ጉዬ ሄርዶሲ ዩሁዳፔ ዱጌ ቂሳሪያ ዎꬊዲ ሄን ኡቲዴስ።

²⁰ሄርዶሲካ ፂሮሴ ኣሳራኔ ሲዶና ኣሳራ ኦሻ። ሄ ዴሬ ኣሳይ ካꬅ ዴሚዛይ ሄሮዶሳ ዴሬፔ ጊዲዳ ጊሽ ሄ ዴሬ ካዎ ፄሊዛዴ ቢላስፆሳፔ ማዶ ቃላ ዴሚዳ ማላ ኢሲ ቦላ ጊዲዲ ሄርዶሳራ ማቃይንꬃናስ ኦይቺዳ።

²¹ጊጋና ባሬቲዳ ጋላስ ሄርዶሲ ካዎቴꬃ ማይዖ ማይዒዲ ካዎቴꬃ ኣልጋን ኡቲዲ ዴራስ ሃሳዪዴስ።

²²ዴሬዚካ “ሃይሲ ፆሳ ቃላፔ ኣቲን ኣሳ ቃላ ዴና!” ጊ ዋሲዴስ።

²³ሄርዶሲካ ፆሳስ ቦንቾ ኢሞንታ ኣጊዳ ጊሽ ጎዳ ኪታንቻይ ሄራካ ሄርዶሳ ሾጪ ዬጊን ጉፁኒ ሃይቂዴስ።

²⁴ፆሳ ቃላይ ጊዲኮ ዲጪዲ ኣኪ ኣኪ ቢዴስ።

²⁵ባርናባሲኔ ሳዉሌይ ባ ኤኪ ቢዳ ኪታ ፖሊዲ ዬሩሳላሜ ሲሚዲ ማርቆሳ ጌቴቲዛ ዮሃኒሳካ ባናራ ኤኪ ሲሚዳ።