Acts 12:19-25

¹⁹Me pi’ Herod e thin ni ngan gay Peter, machane de yag ni ngar pir’eged. Ma aram me pining fapi girdi’en e matnag nge fithrad nge mu’ me yog ni ngan li’rad ngarm’ad. Ma fa’ani mu’ me yan Herod u Judea nge yan i par nga Cesarea nib n’uw boch nap’an.

²⁰Ma kari damumuw Herod ngak e girdi’ nu Tyre ngu Sidon; miyad yan ni yad ba ulung ni ngranod ra guyed Herod. Som’on e ra guyed rogon nge fol Blastus ngorad; ni ir e mmil fan e re naun nem ntafen e pilung ngak. Ma aram miyad yan ngak Herod ngar weniggad ngak ni nge aw e gapas u thilrad, ya nam rorad e yad ma fek garad ko nam rok e re pilung nem.

²¹Me taw nga reb e rran ni kan turguy me yin’ Herod madan e pilung nga daken nge yan i par nga but’ u tagil’ me welthin ngak e girdi’.

²²Miyad tolulnag ni be lungurad, “Cha’ney ni be welthin e gathi ba girdi’, ya ba got!”

²³Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.

²⁴Ma aram mi i wear e thin rok Got i yan ma be yo’or e girdi’ ni be fol riy.

²⁵Me mu’nag Barnabas nge Saul e maruwel nnol’oegrow ni ngar muruwliyew, miyow sul u Jerusalem ni kar fekew John Mark ke un ngorow.