ፆኦሲ ማዾ''ም ዳኪንቴዞንሢኮ ማዾ'' 12:19-25

¹⁹ሄሮዲሴ ዒዛ ኮዒሲ ባሺንታዖ ዬኖ ኬሎ''ና ካፓ ዓሶ ዖኦጬሢኮ ጊንፃ ዔያቶ ዎዻንዳጉዲ ዓይሤኔ፤ ዬካፓ ሄሮዲሴ ዪሁዳይዳፓ ቂሳሪያ ዴንዲ ዴዔኔ።

²⁰ሄሮዲሴ ፂሮሴና ሲዶና ዓጮ'' ዓሶናይዳ ኮሺ'' ዻጋዼኔ፤ ዬያሮ ዔያታ ፔቱሞና ሙካዖ ካኣቲኮ ላጌ ማዔ፥ ቢላስፆሴ ጌይንታሢ ዔያቶም ካኣቲ ቃይሻንዳጉዲ ሺኢቂ ዔኤዒሴሢኮ ጊንፃ ካኣቲና ቡካኒ ዔያታ ዖኦጬኔ፤ ዬያ ዔያታ ማዼሢ ዔያቶኮ ዓጮ'' ዓሳ ሙዖንዶ ባኣዚ'' ዴንቃሢ ዬያ ካኣቲ ዓጫ''ፓ ማዔሢሮኬ።

²¹ካኣቲ ጌኤዞ ዋይዛኒ ጌሤ ኬሎ''ና ካኣቱሞ ዓፒሎ ፔኤኮ ማኣዒ፥ ካኣቱሞ ዖይቶይዳ ዴዒ ዴሮ''ም ኬኤዜኔ።

²²ዴራ''ኣ፦ «ሓይ ፆኦሲ ዑኡሲ ማዓንዳፓዓቴም ዓሲ ዑኡሲቱዋሴ» ጌዒ ጌዒ ዒላቴኔ።

²³ዒማ''ና ሄሮዲሴ ፆኦሲም ቦንቾ ዒንጊባኣሢሮ ቤዞማና ፆኦሲ ኪኢታንቻ ፑርታ ዶርዖ ዒዛይዳ ዓጋዛ ዒዚ ዛልቂ ሓይቄኔ።

²⁴ፆኦሲኮ ቃኣላ'' ጋዓንቴ ቢያ ዎዴ ሚርጌና ዳልጊ ዳልጊ ዴንዴኔ።

²⁵ባርናባሴና ሳውሌና ፔኤኮ ማዾ'' ኩንሢ ዬሩሳላሜይዳፓ ዓንፆኪያ ማዓዖ፥ ማርቆሴ ጌይንታ ዮሓኒሴያ ዔያቶና ዎላ'' ዔኪ ሙኬኔ።