ལཱུཀཿ 23:31-43

³¹ཡཏཿ སཏེཛསི ཤཱཁིནི ཙེདེཏད྄ གྷཊཏེ ཏརྷི ཤུཥྐཤཱཁིནི ཀིཾ ན གྷཊིཥྱཏེ?

³²ཏདཱ ཏེ ཧནྟུཾ དྭཱཝཔརཱདྷིནཽ ཏེན སཱརྡྡྷཾ ནིནྱུཿ།

³³ཨཔརཾ ཤིརཿཀཔཱལནཱམཀསྠཱནཾ པྲཱཔྱ ཏཾ ཀྲུཤེ ཝིཝིདྷུཿ; ཏདྡྭཡོརཔརཱདྷིནོརེཀཾ ཏསྱ དཀྵིཎོ ཏདནྱཾ ཝཱམེ ཀྲུཤེ ཝིཝིདྷུཿ།

³⁴ཏདཱ ཡཱིཤུརཀཐཡཏ྄, ཧེ པིཏརེཏཱན྄ ཀྵམསྭ ཡཏ ཨེཏེ ཡཏ྄ ཀརྨྨ ཀུཪྻྭནྟི ཏན྄ ན ཝིདུཿ; པཤྩཱཏྟེ གུཊིཀཱཔཱཏཾ ཀྲྀཏྭཱ ཏསྱ ཝསྟྲཱཎི ཝིབྷཛྱ ཛགྲྀཧུཿ།

³⁵ཏཏྲ ལོཀསཾགྷསྟིཥྛན྄ དདརྴ; ཏེ ཏེཥཱཾ ཤཱསཀཱཤྩ ཏམུཔཧསྱ ཛགདུཿ, ཨེཥ ཨིཏརཱན྄ རཀྵིཏཝཱན྄ ཡདཱིཤྭརེཎཱབྷིརུཙིཏོ ྅བྷིཥིཀྟསྟྲཱཏཱ བྷཝཏི ཏརྷི སྭམདྷུནཱ རཀྵཏུ།

³⁶ཏདནྱཿ སེནཱགཎཱ ཨེཏྱ ཏསྨཻ ཨམླརསཾ དཏྭཱ པརིཧསྱ པྲོཝཱཙ,

³⁷ཙེཏྟྭཾ ཡིཧཱུདཱིཡཱནཱཾ རཱཛཱསི ཏརྷི སྭཾ རཀྵ།

³⁸ཡིཧཱུདཱིཡཱནཱཾ རཱཛེཏི ཝཱཀྱཾ ཡཱུནཱནཱིཡརོམཱིཡེབྲཱིཡཱཀྵརཻ རླིཁིཏཾ ཏཙྪིརས ཨཱུརྡྡྷྭེ྅སྠཱཔྱཏ།

³⁹ཏདོབྷཡཔཱརྴྭཡོ ཪྻིདྡྷཽ ཡཱཝཔརཱདྷིནཽ ཏཡོརེཀསྟཾ ཝིནིནྡྱ བབྷཱཥེ, ཙེཏྟྭམ྄ ཨབྷིཥིཀྟོསི ཏརྷི སྭམཱཝཱཉྩ རཀྵ།

⁴⁰ཀིནྟྭནྱསྟཾ ཏརྫཡིཏྭཱཝདཏ྄, ཨཱིཤྭརཱཏྟཝ ཀིཉྩིདཔི བྷཡཾ ནཱསྟི ཀིཾ? ཏྭམཔི སམཱནདཎྜོསི,

⁴¹ཡོགྱཔཱཏྲེ ཨཱཝཱཾ སྭསྭཀརྨྨཎཱཾ སམུཙིཏཕལཾ པྲཱཔྣུཝཿ ཀིནྟྭནེན ཀིམཔི ནཱཔརཱདྡྷཾ།

⁴²ཨཐ ས ཡཱིཤུཾ ཛགཱད ཧེ པྲབྷེ བྷཝཱན྄ སྭརཱཛྱཔྲཝེཤཀཱལེ མཱཾ སྨརཏུ།

⁴³ཏདཱ ཡཱིཤུཿ ཀཐིཏཝཱན྄ ཏྭཱཾ ཡཐཱརྠཾ ཝདཱམི ཏྭམདྱཻཝ མཡཱ སཱརྡྡྷཾ པརལོཀསྱ སུཁསྠཱནཾ པྲཱཔྶྱསི།