པྲེརིཏཱཿ 23:9-35

⁹ཏཏཿ པརསྤརམ྄ ཨཏིཤཡཀོལཱཧལེ སམུཔསྠིཏེ ཕིརཱུཤིནཱཾ པཀྵཱིཡཱཿ སབྷཱསྠཱ ཨདྷྱཱཔཀཱཿ པྲཏིཔཀྵཱ ཨུཏྟིཥྛནྟོ ྅ཀཐཡན྄, ཨེཏསྱ མཱནཝསྱ ཀམཔི དོཥཾ ན པཤྱཱམཿ; ཡདི ཀཤྩིད྄ ཨཱཏྨཱ ཝཱ ཀཤྩིད྄ དཱུཏ ཨེནཾ པྲཏྱཱདིཤཏ྄ ཏརྷི ཝཡམ྄ ཨཱིཤྭརསྱ པྲཱཏིཀཱུལྱེན ན ཡོཏྶྱཱམཿ།

¹⁰ཏསྨཱད྄ ཨཏཱིཝ བྷིནྣཝཱཀྱཏྭེ སཏི ཏེ པཽལཾ ཁཎྜཾ ཁཎྜཾ ཀརིཥྱནྟཱིཏྱཱཤངྐཡཱ སཧསྲསེནཱཔཏིཿ སེནཱགཎཾ ཏཏྶྠཱནཾ ཡཱཏུཾ སབྷཱཏོ བལཱཏ྄ པཽལཾ དྷྲྀཏྭཱ དུརྒཾ ནེཏཉྩཱཛྙཱཔཡཏ྄།

¹¹རཱཏྲོ པྲབྷུསྟསྱ སམཱིཔེ ཏིཥྛན྄ ཀཐིཏཝཱན྄ ཧེ པཽལ ནིརྦྷཡོ བྷཝ ཡཐཱ ཡིརཱུཤཱལམྣགརེ མཡི སཱཀྵྱཾ དཏྟཝཱན྄ ཏཐཱ རོམཱནགརེཔི ཏྭཡཱ དཱཏཝྱམ྄།

¹²དིནེ སམུཔསྠིཏེ སཏི ཀིཡནྟོ ཡིཧཱུདཱིཡལོཀཱ ཨེཀམནྟྲཎཱཿ སནྟཿ པཽལཾ ན ཧཏྭཱ བྷོཛནཔཱནེ ཀརིཥྱཱམ ཨིཏི ཤཔཐེན སྭཱན྄ ཨབདྷྣན྄།

¹³ཙཏྭཱརིཾཤཛྫནེབྷྱོ྅དྷིཀཱ ལོཀཱ ཨིཏི པཎམ྄ ཨཀུཪྻྭན྄།

¹⁴ཏེ མཧཱཡཱཛཀཱནཱཾ པྲཱཙཱིནལོཀཱནཱཉྩ སམཱིཔཾ གཏྭཱ ཀཐཡན྄, ཝཡཾ པཽལཾ ན ཧཏྭཱ ཀིམཔི ན བྷོཀྵྱཱམཧེ དྲྀཌྷེནཱནེན ཤཔཐེན བདྡྷྭཱ ཨབྷཝཱམ།

¹⁵ཨཏཨེཝ སཱམྤྲཏཾ སབྷཱསདློཀཻཿ སཧ ཝཡཾ ཏསྨིན྄ ཀཉྩིད྄ ཝིཤེཥཝིཙཱརཾ ཀརིཥྱཱམསྟདརྠཾ བྷཝཱན྄ ཤྭོ ྅སྨཱཀཾ སམཱིཔཾ ཏམ྄ ཨཱནཡཏྭིཏི སཧསྲསེནཱཔཏཡེ ནིཝེདནཾ ཀུརུཏ ཏེན ཡུཥྨཱཀཾ སམཱིཔཾ ཨུཔསྠིཏེཿ པཱུཪྻྭཾ ཝཡཾ ཏཾ ཧནྟུ སཛྫིཥྱཱམ།

¹⁶ཏདཱ པཽལསྱ བྷཱགིནེཡསྟེཥཱམིཏི མནྟྲཎཱཾ ཝིཛྙཱཡ དུརྒཾ གཏྭཱ ཏཱཾ ཝཱརྟྟཱཾ པཽལམ྄ ཨུཀྟཝཱན྄།

¹⁷ཏསྨཱཏ྄ པཽལ ཨེཀཾ ཤཏསེནཱཔཏིམ྄ ཨཱཧཱུཡ ཝཱཀྱམིདམ྄ བྷཱཥིཏཝཱན྄ སཧསྲསེནཱཔཏེཿ སམཱིཔེ྅སྱ ཡུཝམནུཥྱསྱ ཀིཉྩིནྣིཝེདནམ྄ ཨཱསྟེ, ཏསྨཱཏ྄ ཏཏྶཝིདྷམ྄ ཨེནཾ ནཡ།

¹⁸ཏཏཿ ས ཏམཱདཱཡ སཧསྲསེནཱཔཏེཿ སམཱིཔམ྄ ཨུཔསྠཱཡ ཀཐིཏཝཱན྄, བྷཝཏཿ སམཱིཔེ྅སྱ ཀིམཔི ནིཝེདནམཱསྟེ ཏསྨཱཏ྄ བནྡིཿ པཽལོ མཱམཱཧཱུཡ བྷཝཏཿ སམཱིཔམ྄ ཨེནམ྄ ཨཱནེཏུཾ པྲཱརྠིཏཝཱན྄།

¹⁹ཏདཱ སཧསྲསེནཱཔཏིསྟསྱ ཧསྟཾ དྷྲྀཏྭཱ ནིརྫནསྠཱནཾ ནཱིཏྭཱ པྲྀཥྛཝཱན྄ ཏཝ ཀིཾ ནིཝེདནཾ? ཏཏ྄ ཀཐཡ།

²⁰ཏཏཿ སོཀཐཡཏ྄, ཡིཧཱུདཱིཡལཱཀཱཿ པཽལེ ཀམཔི ཝིཤེཥཝིཙཱརཾ ཚལཾ ཀྲྀཏྭཱ ཏཾ སབྷཱཾ ནེཏུཾ བྷཝཏཿ སམཱིཔེ ནིཝེདཡིཏུཾ ཨམནྟྲཡན྄།

²¹ཀིནྟུ མཝཏཱ ཏནྣ སྭཱིཀརྟྟཝྱཾ ཡཏསྟེཥཱཾ མདྷྱེཝརྟྟིནཤྩཏྭཱརིཾཤཛྫནེབྷྱོ ྅དྷིཀལོཀཱ ཨེཀམནྟྲཎཱ བྷཱུཏྭཱ པཽལཾ ན ཧཏྭཱ བྷོཛནཾ པཱནཉྩ ན ཀརིཥྱཱམ ཨིཏི ཤཔཐེན བདྡྷཱཿ སནྟོ གྷཱཏཀཱ ཨིཝ སཛྫིཏཱ ཨིདཱནཱིཾ ཀེཝལཾ བྷཝཏོ ྅ནུམཏིམ྄ ཨཔེཀྵནྟེ།

²²ཡཱམིམཱཾ ཀཐཱཾ ཏྭཾ ནིཝེདིཏཝཱན྄ ཏཱཾ ཀསྨཻཙིདཔི མཱ ཀཐཡེཏྱུཀྟྭཱ སཧསྲསེནཱཔཏིསྟཾ ཡུཝཱནཾ ཝིསྲྀཥྚཝཱན྄།

²³ཨནནྟརཾ སཧསྲསེནཱཔཏི རྡྭཽ ཤཏསེནཱཔཏཱི ཨཱཧཱུཡེདམ྄ ཨཱདིཤཏ྄, ཡུཝཱཾ རཱཏྲཽ པྲཧརཻཀཱཝཤིཥྚཱཡཱཾ སཏྱཱཾ ཀཻསརིཡཱནགརཾ ཡཱཏུཾ པདཱཏིསཻནྱཱནཱཾ དྭེ ཤཏེ གྷོཊཀཱརོཧིསཻནྱཱནཱཾ སཔྟཏིཾ ཤཀྟིདྷཱརིསཻནྱཱནཱཾ དྭེ ཤཏེ ཙ ཛནཱན྄ སཛྫིཏཱན྄ ཀུརུཏཾ།

²⁴པཽལམ྄ ཨཱརོཧཡིཏུཾ ཕཱིལིཀྵཱདྷིཔཏེཿ སམཱིཔཾ ནིཪྻྭིགྷྣཾ ནེཏུཉྩ ཝཱཧནཱནི སམུཔསྠཱཔཡཏཾ།

²⁵ཨཔརཾ ས པཏྲཾ ལིཁིཏྭཱ དཏྟཝཱན྄ ཏལླིཁིཏམེཏཏ྄,

²⁶མཧཱམཧིམཤྲཱིཡུཀྟཕཱིལིཀྵཱདྷིཔཏཡེ ཀླཽདིཡལུཥིཡསྱ ནམསྐཱརཿ།

²⁷ཡིཧཱུདཱིཡལོཀཱཿ པཱུཪྻྭམ྄ ཨེནཾ མཱནཝཾ དྷྲྀཏྭཱ སྭཧསྟཻ རྷནྟུམ྄ ཨུདྱཏཱ ཨེཏསྨིནྣནྟརེ སསཻནྱོཧཾ ཏཏྲོཔསྠཱཡ ཨེཥ ཛནོ རོམཱིཡ ཨིཏི ཝིཛྙཱཡ ཏཾ རཀྵིཏཝཱན྄།

²⁸ཀིནྣིམིཏྟཾ ཏེ ཏམཔཝདནྟེ ཏཛྫྙཱཏུཾ ཏེཥཱ སབྷཱཾ ཏམཱནཱཡིཏཝཱན྄།

²⁹ཏཏསྟེཥཱཾ ཝྱཝསྠཱཡཱ ཝིརུདྡྷཡཱ ཀཡཱཙན ཀཐཡཱ སོ྅པཝཱདིཏོ྅བྷཝཏ྄, ཀིནྟུ ས ཤྲྀངྑལབནྡྷནཱརྷོ ཝཱ པྲཱཎནཱཤཱརྷོ བྷཝཏཱིདྲྀཤཿ ཀོཔྱཔརཱདྷོ མཡཱསྱ ན དྲྀཥྚཿ།

³⁰ཏཐཱཔི མནུཥྱསྱཱསྱ ཝདྷཱརྠཾ ཡིཧཱུདཱིཡཱ གྷཱཏཀཱཨིཝ སཛྫིཏཱ ཨེཏཱཾ ཝཱརྟྟཱཾ ཤྲུཏྭཱ ཏཏྐྵཎཱཏ྄ ཏཝ སམཱིཔམེནཾ པྲེཥིཏཝཱན྄ ཨསྱཱཔཝཱདཀཱཾཤྩ ཏཝ སམཱིཔཾ གཏྭཱཔཝདིཏུམ྄ ཨཱཛྙཱཔཡམ྄། བྷཝཏཿ ཀུཤལཾ བྷཱུཡཱཏ྄།

³¹སཻནྱགཎ ཨཱཛྙཱནུསཱརེཎ པཽལཾ གྲྀཧཱིཏྭཱ ཏསྱཱཾ རཛནྱཱམ྄ ཨཱནྟིཔཱཏྲིནགརམ྄ ཨཱནཡཏ྄།

³²པརེ྅ཧནི ཏེན སཧ ཡཱཏུཾ གྷོཊཀཱརཱུཌྷསཻནྱགཎཾ སྠཱཔཡིཏྭཱ པརཱཝྲྀཏྱ དུརྒཾ གཏཝཱན྄།

³³ཏཏཿ པརེ གྷོཊཀཱརོཧིསཻནྱགཎཿ ཀཻསརིཡཱནགརམ྄ ཨུཔསྠཱཡ ཏཏྤཏྲམ྄ ཨདྷིཔཏེཿ ཀརེ སམརྤྱ ཏསྱ སམཱིཔེ པཽལམ྄ ཨུཔསྠཱཔིཏཝཱན྄།

³⁴ཏདཱདྷིཔཏིསྟཏྤཏྲཾ པཋིཏྭཱ པྲྀཥྛཝཱན྄ ཨེཥ ཀིམྤྲདེཤཱིཡོ ཛནཿ? ས ཀིལིཀིཡཱཔྲདེཤཱིཡ ཨེཀོ ཛན ཨིཏི ཛྙཱཏྭཱ ཀཐིཏཝཱན྄,

³⁵ཏཝཱཔཝཱདཀགཎ ཨཱགཏེ ཏཝ ཀཐཱཾ ཤྲོཥྱཱམི། ཧེརོདྲཱཛགྲྀཧེ ཏཾ སྠཱཔཡིཏུམ྄ ཨཱདིཥྚཝཱན྄།