པྲཀཱཤིཏཾ 11:1-11

¹ཨནནྟརཾ པརིམཱཎདཎྜཝད྄ ཨེཀོ ནལོ མཧྱམདཱཡི, ས ཙ དཱུཏ ཨུཔཏིཥྛན྄ མཱམ྄ ཨཝདཏ྄, ཨུཏྠཱཡེཤྭརསྱ མནྡིརཾ ཝེདཱིཾ ཏཏྲཏྱསེཝཀཱཾཤྩ མིམཱིཥྭ།

²ཀིནྟུ མནྡིརསྱ བཧིཿཔྲཱངྒཎཾ ཏྱཛ ན མིམཱིཥྭ ཡཏསྟད྄ ཨནྱཛཱཏཱིཡེབྷྱོ དཏྟཾ, པཝིཏྲཾ ནགརཉྩ དྭིཙཏྭཱརིཾཤནྨཱསཱན྄ ཡཱཝཏ྄ ཏེཥཱཾ ཙརཎཻ རྨརྡྡིཥྱཏེ།

³པཤྩཱཏ྄ མམ དྭཱབྷྱཱཾ སཱཀྵིབྷྱཱཾ མཡཱ སཱམརྠྱཾ དཱཡིཥྱཏེ ཏཱཝུཥྚྲལོམཛཝསྟྲཔརིཧིཏཽ ཥཥྛྱདྷིཀདྭིཤཏཱདྷིཀསཧསྲདིནཱནི ཡཱཝད྄ བྷཝིཥྱདྭཱཀྱཱནི ཝདིཥྱཏཿ།

⁴ཏཱཝེཝ ཛགདཱིཤྭརསྱཱནྟིཀེ ཏིཥྛནྟཽ ཛིཏཝྲྀཀྵཽ དཱིཔཝྲྀཀྵཽ ཙ།

⁵ཡདི ཀེཙིཏ྄ ཏཽ ཧིཾསིཏུཾ ཙེཥྚནྟེ ཏརྷི ཏཡོ ཪྻདནཱབྷྱཱམ྄ ཨགྣི རྣིརྒཏྱ ཏཡོཿ ཤཏྲཱུན྄ བྷསྨཱིཀརིཥྱཏི། ཡཿ ཀཤྩིཏ྄ ཏཽ ཧིཾསིཏུཾ ཙེཥྚཏེ ཏེནཻཝམེཝ ཝིནཥྚཝྱཾ།

⁶ཏཡོ རྦྷཝིཥྱདྭཱཀྱཀཐནདིནེཥུ ཡཐཱ ཝྲྀཥྚི རྣ ཛཱཡཏེ ཏཐཱ གགནཾ རོདྡྷུཾ ཏཡོཿ སཱམརྠྱམ྄ ཨསྟི, ཨཔརཾ ཏོཡཱནི ཤོཎིཏརཱུཔཱཎི ཀརྟྟུཾ ནིཛཱབྷིལཱཥཱཏ྄ མུཧུརྨུཧུཿ སཪྻྭཝིདྷདཎྜཻཿ པྲྀཐིཝཱིམ྄ ཨཱཧནྟུཉྩ ཏཡོཿ སཱམརྠྱམསྟི།

⁷ཨཔརཾ ཏཡོཿ སཱཀྵྱེ སམཱཔྟེ སཏི རསཱཏལཱད྄ ཡེནོཏྠིཏཝྱཾ ས པཤུསྟཱབྷྱཱཾ སཧ ཡུདྡྷྭཱ ཏཽ ཛེཥྱཏི ཧནིཥྱཏི ཙ།

⁸ཏཏསྟཡོཿ པྲབྷུརཔི ཡསྱཱཾ མཧཱཔུཪྻྱཱཾ ཀྲུཤེ ཧཏོ ྅རྠཏོ ཡསྱཱཿ པཱརམཱརྠིཀནཱམནཱི སིདོམཾ མིསརཤྩེཏི ཏསྱཱ མཧཱཔུཪྻྱཱཾཿ སནྣིཝེཤེ ཏཡོཿ ཀུཎཔེ སྠཱསྱཏཿ།

⁹ཏཏོ ནཱནཱཛཱཏཱིཡཱ ནཱནཱཝཾཤཱིཡཱ ནཱནཱབྷཱཥཱཝཱདིནོ ནཱནཱདེཤཱིཡཱཤྩ བཧཝོ མཱནཝཱཿ སཱརྡྡྷདིནཏྲཡཾ ཏཡོཿ ཀུཎཔེ ནིརཱིཀྵིཥྱནྟེ, ཏཡོཿ ཀུཎཔཡོཿ ཤྨཤཱནེ སྠཱཔནཾ ནཱནུཛྙཱསྱནྟི།

¹⁰པྲྀཐིཝཱིནིཝཱསིནཤྩ ཏཡོ རྷེཏོརཱནནྡིཥྱནྟི སུཁབྷོགཾ ཀུཪྻྭནྟཿ པརསྤརཾ དཱནཱནི པྲེཥཡིཥྱནྟི ཙ ཡཏསྟཱབྷྱཱཾ བྷཝིཥྱདྭཱདིབྷྱཱཾ པྲྀཐིཝཱིནིཝཱསིནོ ཡཱཏནཱཾ པྲཱཔྟཱཿ།

¹¹ཏསྨཱཏ྄ སཱརྡྡྷདིནཏྲཡཱཏ྄ པརམ྄ ཨཱིཤྭརཱཏ྄ ཛཱིཝནདཱཡཀ ཨཱཏྨནི ཏཽ པྲཝིཥྚེ ཏཽ ཙརཎཻརུདཏིཥྛཏཱཾ, ཏེན ཡཱཝནྟསྟཱཝཔཤྱན྄ ཏེ ྅ཏཱིཝ ཏྲཱསཡུཀྟཱ ཨབྷཝན྄།