Text copied!
CopyCompare
परमप्रभु यावे आ लोव़ - यसैया

यसैया 12

Help us?
Click on verse(s) to share them!
1मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।
2थमा पा, परमप्रभु आं कली पाप रे प्रोंइब बाक्‍ब। गो मेको कली थमा सुइश्‍शा महिंनुङ। मारदे हना परमप्रभु यावे आं कली सक्ति नु बोल गेब बाक्‍ब। मेको आं कली श्‍येत रे प्रोंइब बाक्‍ब” दे कुम्‍सो पाइनीनी। प्रस्‍थान १५:२
3मेको नाक्‍ती गेपुकी ग्‍येरशा, पाप रे ब्रोंइतीके इनार रे ब्‍वाक्‍कु कीशा प्रिंनीनी। यसैया ५५:१; जकरिया १३:१
4मेको नाक्‍ती गेपुकीमी “परमप्रभु यावेमी रिम्‍शो पाप्‍तु” दे मुर आन कली देनीन। मेकोपुकी नु लोव़ पने। मेको आ गेय रागी रागी ङा मुर आन कली तुइक्‍पतीन। आ नें नेल्‍ल क्‍येङा ठेयब बाक्‍ब, दे शेंदीने। १इतिहास १६:८; भजन संग्रह १०५:१
5परमप्रभु यावे कली ठेयब सेल्‍तीक कुम्‍सो पने। मारदे हना मेकोमी थम सक्ति पाइश्‍शो गेय पशो बाक्‍ब। एको लोव़ रागी नेल्‍लेमी ब्रपतीन।
6सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।