15मिनु गिदोनमी ङोमु नु मेको आ अर्थ नेंशा ङा मिन परमप्रभु यावे कली ठेयब सेला बाक्त। मिनु इस्राएली आन बाक्तीकेम लेश्शा “बोक्कीन, परमप्रभु यावेमी मिदयानी नेल्ल आन कली इन गुइमी गेप्तु” देंमाक्त।
16मिनु मेको सहे सां मुर आन कली, हुल सांमी योक्गा बाक्त। मिनु नेल्ल आन कली का का पा तुराही नु आगा रांको वोइश्शो शेत्थ गर का का गेमी बाक्त।
17मिनु “आं कली कोव़ङीन। आं खोदेंशो पने। गो मेको आन ताम्बु आ नेक्था जाक्दीशा, मार मार पाइनुङा, गे यो मोदेंशो पने।