1मिनु परमप्रभु यावेमी मोसा कली
2“गे इस्राएली नेल्ल आन कली ‘गे इन किकी पिपी आन थर थर रे पा का का पा १२ ओटा कोक्के चाक्कीन’ दे माइक्मी। मेको मुर आन नें मेको आन आन कोक्केमी ब्रेक्तो।
3मिनु हारून आ नें लेवी आ थर ङा मुर आन कोक्केम ब्रेक्तो। मारदे हना नेल्ल थर ङा ठेयब मुर आन नेंम कोक्के का का दुम्चा माल्ब।
4मिनु गे मेको कोक्के आन कली ग्रुम्तीक ताम्बुमी सल्ला पशो सन्दोस आ ङोंइती वोतो। गो मेकेर रे इन कली लोव़ पाइनुङ। प्रस्थान २५:२२
5मिनु आं योव़शो मुर आ कोक्केम कोच्वा दाप्ब। मोपा गो इस्राएलीपुकीम इस पशो गन गन नाइक्पाइक्नुङमी” देंत। गन्ती १६:५-७
6मिनु मोसाम इस्राएली आन कली मेको लोव़ नेंपाइक्तीमी। मिनु मेको आन ठेयब मुर नेल्लेमी मेको कली कोक्के का का चाक्शा, गेम्तेक्म। मिनु मेको आन किकी पिपी आन थर थर पा १२ ओटा कोक्के गेम्तेक्म। मिनु हारून आ कोक्के यो मेको आन कोक्के आन दातेम बाक्त।
7मिनु मोसामी मेको कोक्के नेल्ल परमप्रभु यावे आ सल्ला पशो सन्दोस बाक्शो ताम्बुमी परमप्रभु यावे आ ङोंइती वोइक्तु।
8मिनु मोसा आ दीसा सल्ला पशो सन्दोस बाक्शो ताम्बुम लत। मिनु लेवी आ थर ङा मुर, हारून आ कोक्केम कोच्वा दाप्शा, फू बोइश्शा देसी बदाम सिश्शो मीशो ताप्तु।
9मिनु नोले मोसामी कोक्के नेल्ल खुप्शा, परमप्रभु यावे आ ङोंइती रे लाइश्शा, इस्राएली आन कली गेम्तीमी। मिनु मेकोपुकीमी कोव़शा, आन आन कोक्के लांइसाक्म।
10मिनु परमप्रभु यावेमी मोसा कली “मरिम्शो पाइब मुर आन कली मिम्तीके दुम्पाइक्चा कली हारून आ कोक्के लेंशा सल्ला पशो सन्दोस आ ङोंइती लाइश्शा वोतो। मिनु मेकोपुकीमी आं पर्बम गन गन पचा मप्रोंइतेक्म हना, बेक्नीम” देंत। हिब्रू ९:४
11मिनु मोसामी परमप्रभु यावे आ देंशो खोदेंशो पा पाप्तु।
12मिनु इस्राएलीपुकीमी मोसा कली “कोव़ङीन, गोपुकी खतम दुम्शा जाम्शा लाइनीकी।
गन्ती 17
गन्ती 17:1-12