ܡܙܡܘܪ̈ܐ 96:1-12

¹ܙܡܘܿܪܘܼܢ ܠܡܵܪܝܵܐ ܙܡܵܪܬܵ‌ܐ ܚܲܕܬܵ‌ܐ، ܙܡܘܿܪܘܼܢ ܠܡܵܪܝܵܐ ܟܠܵܗ̇ ܐܲܪܥܵܐ.

²ܙܡܘܿܪܘܼܢ ܠܡܵܪܝܵܐ، ܒܲܪܟ݂ܘܼܢ ܠܫܸܡܹܗ، ܡܲܫܚܸܕܘܼܢ ܦܘܼܪܩܵܢܹܗ ܡ̣ܢ ܝܵܘܡܵܐ ܠܝܵܘܡܵܐ.

³ܗܲܩܹܝܡܘܼܢ ܓܵܘ ܐܸܡܘܵܬܹ̈‌ܐ ܐܝܼܩܵܪܹܗ، ܓܵܘ ܟܠܵܝܗ‌ܝ ܥܲܡܡܹ̈ܐ ܕܘܼܡܵܪ̈ܘܼܗ‌ܝ.

⁴ܣܵܒܵܒ ܓܘܼܪܵܐ ܝܠܹܗ ܡܵܪܝܵܐ ܘܡܫܘܼܒܚܵܐ ܝܠܹܗ ܪܵܒܵܐ، ܣܲܗܡܵܢܵܐ ܝܠܹܗ ܥܲܠܔ ܟܠܵܝܗ‌ܝ ܐܲܠܵܗܹ̈ܐ.

⁵ܣܵܒܵܒ ܟܠܵܝܗ‌ܝ ܐܲܠܵܗܹ̈ܐ ܕܥܲܡܡܹ̈ܐ ܨܵܢܲܡܹ̈ܐ ܣܪ̈ܝܼܩܹܐ ܝܢܵܐ، ܐܝܼܢܵܐ ܡܵܪܝܵܐ ܥܒ݂ܝܼܕ ܠܹܗ ܫܡܲܝܵܐ.

⁶ܚܸܩܪܵܐ ܘܙܲܗܝܘܼܬܵ‌ܐ ܩܲܕܡܘܼܗ‌ܝ ܝܢܵܐ، ܥܘܼܫܢܵܐ ܘܣܸܩܠܵܐ ܓܵܘ ܡܲܩܕܫܹܗ.

⁷ܗܲܒ݂ܠܘܼܢ ܠܡܵܪܝܵܐ، ܝܵܐ ܫܲܪ̈ܒܵܬܹ‌ܐ ܕܥܲܡܡܹ̈ܐ، ܗܲܒ݂ܠܘܼܢ ܠܡܵܪܝܵܐ ܐܝܼܩܵܪܵܐ ܘܥܘܼܫܢܵܐ.

⁸ܗܲܒ݂ܠܘܼܢ ܠܡܵܪܝܵܐ ܐܝܼܩܵܪܵܐ ܕܫܸܡܹܗ، ܫܩܘܿܠܘܼܢ ܩܘܼܪܒܵܢܵܐ ܘܥܒ݂ܘܿܪܘܼܢ ܠܕܵܪ̈ܵܬܘܼܗ‌ܝ.

⁹ܣܓ݂ܘܿܕܘܼܢ ܠܡܵܪܝܵܐ ܒܣܸܩܠܵܐ ܕܩܘܼܕܫܵܐ، ܪܵܓܕܵܐ ܡ̣ܢ ܩܲܕܡܘܼܗ‌ܝ ܟܠܵܗ̇ ܐܲܪܥܵܐ.

¹⁰ܐܡܘܿܪܘܼܢ ܓܵܘ ܐܸܡܘܵܬܹ̈‌ܐ: ܡܵܪܝܵܐ ܒܸܥܒ݂ܵܕܵܐ ܝܠܹܗ ܡܲܠܟܘܼܬܵ‌ܐ، ܐܘܼܦ ܡܘܼܩܘܝܼܬܵ‌ܐ ܝܠܵܗ̇ ܒܪܝܼܬܵ‌ܐ ܕܠܵܐ ܫܵܥܫܵܐ، ܒܸܬ ܕܵܐܹܢ ܠܥܲܡܡܹ̈ܐ ܒܬܪܘܼܨܘܼܬܵ‌ܐ.

¹¹ܚܵܕܝܼ ܫܡܲܝܹ̈ܐ ܘܦܵܨܚܵܐ ܐܲܪܥܵܐ، ܒܲܪܒܸܪܵܐ ܝܵܡܵܐ ܘܡܸܠܝܘܼܬܘܼܗ̇.

¹²ܦܵܨܚܵܐ ܕܸܫܬܵ‌ܐ ܘܟܠܔ ܕܐܝܼܬ ܓܵܘܘܼܗ̇، ܗ̇ܝܓܵܗ ܒܸܬ ܩܲܘܸܚܝܼ ܟܠܵܝܗ‌ܝ ܐܝܼܠܵܢܹ̈ܐ ܕܡܲܝܫܵܐ