1ܬܹܝܡܘܼܢ ܫܲܒܚܲܚ ܠܡܵܪܝܵܐ، ܩܲܘܸܚܲܚ ܠܐܝܼܨܵܪܵܐ ܕܦܘܼܪܩܵܢܲܢ.
2ܐܵܬܲܚ ܩܲܕܡ ܦܵܬܹܗ ܒܫܲܟܲܪܬܵܐ، ܩܲܘܸܚܲܚ ܐܸܠܹܗ ܒܙܡܵܪܹ̈ܐ.
3ܣܵܒܵܒ ܐܲܠܵܗܵܐ ܓܘܼܪܵܐ ܝܠܹܗ ܡܵܪܝܵܐ، ܘܡܲܠܟܵܐ ܓܘܼܪܵܐ ܥܲܠܔ ܟܠܵܝܗܝ ܐܲܠܵܗܹ̈ܐ.
4ܗ̇ܘ ܕܒܐܝܼܕܹܗ ܝܢܵܐ ܥܘܼܡܩܹ̈ܐ ܕܐܲܪܥܵܐ، ܘܕܝܼܹܗ ܝܢܵܐ ܪܹ̈ܝܫܹܐ ܕܛܘܼܪ̈ܵܢܹܐ.
5ܕܝܼܹܗ ܝܠܵܗ̇ ܝܵܡܵܐ ܘܗ̇ܘ ܥܒ݂ܝܼܕܵܐ ܠܹܗ، ܘܐܝܼܕܵܬܘܼ̈ܗܝ ܓܒ݂ܝܼܠܔ ܠܗܘܿܢ ܒܸܪܙܵܐ.
6ܬܹܝܡܘܼܢ ܣܵܓ݂ܕܲܚ ܘܟܵܝܦܲܚ، ܒܵܪܟܲܚ ܩܲܕܡ ܡܵܪܝܵܐ ܒܵܪܝܵܢܲܢ.
7ܣܵܒܵܒ ܗ̇ܘ ܝܼܠܹܗ ܐܲܠܵܗܲܢ، ܘܐܲܚܢܲܢ ܥܲܡܵܐ ܕܡܲܪܥܝܼܬܹܗ ܘܥܸܪ̈ܒܹܐ ܕܓܵܘ ܐܝܼܕܹܗ. ܐܸܕܝܘܿܡ ܐܸܢ ܩܵܠܹܗ ܫܵܡܥܝܼܬܘܿܢ،
8ܠܵܐ ܡܲܩܫܹܝܬܘܿܢ ܠܸܒܵܘܟ݂ܘܿܢ ܕܵܐܟ݂ܝܼ ܕܓܵܘ ܡܪܝܼܒ݂ܵܐ، ܐܲܝܟ݂ ܝܵܘܡܵܐ ܕܡܲܣܵܐ ܓܵܘ ܒܲܪܝܼܵܐ،
9ܐܝܼܡܲܢ ܕܓ̰ܘܼܪܒܸܢܗܘܿܢ ܐܲܒ݂ܵܗܵܬܵܘ̈ܟ݂ܘܿܢ، ܨܘܼܚܨܹܐ ܠܗܘܿܢ ܐܸܠܝܼ، ܐܵܦܸܢ ܚܸܙܝܹܐ ܝܗܘܵܘ ܦܘܼܠܚܵܢܝܼ.
ܡܙܡܘܪ̈ܐ 95
ܡܙܡܘܪ̈ܐ 95:1-9