ܡܙܡܘܪ̈ܐ 88:3-15

³ܣܵܒܵܒ ܡܠܹܐ ܠܵܗ̇ ܡ̣ܢ ܣܸܪ̈ܝܵܬܹ‌ܐ ܓܵܢܝܼ، ܘܚܲܝܝܼ̈ ܠܫܝܘܿܠܔ ܡܛܹܐ ܠܗܘܿܢ.

⁴ܦܝܼܫ ܠܝܼ ܚܘܼܫܒܸܢܵܐ ܥܲܡ ܨܵܠܝܵܢܹ̈ܐ ܕܓܘܼܒܵܐ، ܗܘܹܐ ܠܝܼ ܐܲܝܟ݂ ܓܲܒ݂ܪܵܐ ܕܠܲܝܬ ܠܹܗ ܚܲܝܠܵܐ؛

⁵ܒܓܵܘܵܐ ܕܡܝܼ̈ܬܹ‌ܐ ܫܒ݂ܝܼܩܵܐ، ܐܲܝܟ݂ ܩܛܝܼ̈ܠܹܐ ܕܵܡܟ݂ܵܢܹ̈ܐ ܒܩܲܒ݂ܪܵܐ، ܕܠܹܐ ܕܵܟ݂ܪܹܬ ܠܗܘܿܢ ܐܚܹܪܢܵܐ، ܘܐܵܢܝܼ ܡ̣ܢ ܐܝܼܕܘܼܟ݂ ܦܝܼܫ ܠܗܘܿܢ ܩܛܝܼܥܹܐ.

⁶ܡܘܼܬܸܒ݂ ܠܘܼܟ݂ ܐܸܠܝܼ ܒܓܘܼܒܵܐ ܬܲܚܬܵܝܵܐ، ܒܕܘܼܟܵܢܹ̈ܐ ܚܸܫܟܵܢܹ̈ܐ، ܒܥܘܼܡܩܹ̈ܐ.

⁷ܥܲܠܝܼ ܦܝܼܫ ܠܵܗ̇ ܡܘܼܬܸܒ݂ܬܵ‌ܐ ܚܸܡܬܘܼܟ݂، ܘܩܵܡ ܡܲܥܝܸܩܸܬ ܠܝܼ ܒܟܠܵܝܗ‌ܝ ܡܲܚܫܘܼܠܘܼ̈ܟ݂. ܣܹܠܵܗ

⁸ܡܘܼܪܚܸܩ ܠܘܼܟ݂ ܝܵܕܥܵܢܝܼ̈ ܡܸܢܝܼ، ܥܒ݂ܝܼܕܸܢܘܼܟ݂ ܛܲܡܐܘܼܬܵ‌ܐ ܐܸܠܵܝܗ‌ܝ، ܦܝܼܫܵܐ ܝܘܸܢ ܚܒ݂ܝܼܫܵܐ ܘܠܹܐ ܡܵܨܹܝܢ ܦܵܠܛܹܢ.

⁹ܥܲܝܢܝܼ ܢܘܝܼܠܔ ܠܵܗ̇ ܡ̣ܢ ܥܵܘܩܵܢܵܐ، ܒܟܠܹܗ ܝܵܘܡܵܐ ܩܪܹܐ ܠܝܼ ܐܸܠܘܼܟ݂، ܝܵܐ ܡܵܪܝܵܐ، ܦܪܝܼܣ ܠܝܼ ܐܸܠܘܼܟ݂ ܐܝܼܕܵܬ‌ܝܼ̈.

¹⁰ܗܵܐ، ܠܡܝܼ̈ܬܹ‌ܐ ܒܸܬ ܥܵܒ݂ܕܹܬ ܕܘܼܡܵܪܹ̈ܐ؟ ܝܲܢ ܪ̈ܘܼܚܵܬܹ‌ܐ ܕܡܝܼ̈ܬܹ‌ܐ ܒܸܬ ܩܵܝܡܝܼ ܫܲܟܪܝܼ ܠܘܼܟ݂؟ ܣܹܠܵܗ

¹¹ܗܵܐ، ܒܸܬ ܦܵܝܫܵܐ ܗܘܼܩܝܼܬܵ‌ܐ ܒܩܲܒ݂ܪܵܐ ܛܲܝܒܘܼܬܘܼܟ݂، ܝܲܢ ܒܐܲܒ݂ܕܵܢܵܐ ܡܗܘܼܡܢܘܼܬܘܼܟ݂؟

¹²ܗܵܐ، ܒܸܬ ܦܵܝܫܝܼ ܝܕܝܼܥܹܐ ܒܚܸܫܟܵܐ ܕܘܼܡܵܪ̈ܘܼܟ݂، ܝܲܢ ܒܐܲܪܥܵܐ ܕܡܲܢܫܲܝܬܵ‌ܐ ܙܲܕܝܼܩܘܼܬܘܼܟ݂؟

¹³ܐܝܼܢܵܐ ܐܵܢܵܐ ܐܸܠܘܼܟ݂، ܝܵܐ ܡܵܪܝܵܐ، ܡܘܼܩܘܸܚ ܠܝܼ، ܘܒܨܲܦܪܵܐ ܨܠܘܿܬ‌ܝܼ ܠܟܸܣܠܘܼܟ݂ ܟܹܐ ܐܵܬܝܵܐ.

¹⁴ܩܵܡܘܿܕܝܼ، ܝܵܐ ܡܵܪܝܵܐ، ܪܲܦܹܝܬ ܠܵܗ̇ ܓܵܢܝܼ؟ ܩܵܡܘܿܕܝܼ ܛܲܫܹܝܬ ܠܵܗ̇ ܦܵܬܘܼܟ݂ ܡܸܢܝܼ؟

¹⁵ܡܘܼܥܝܸܩܵܐ ܝܘܸܢ ܐܵܢܵܐ، ܘܒܸܡܝܵܬܵ‌ܐ ܡ̣ܢ ܥܠܲܝܡܘܼܬ‌ܝܼ، ܩܘܼܒܸܠܔ ܠܝܼ ܙܕܘܼܥܝܵܬܘܼ̈ܟ݂، ܦܝܼܫ ܠܝܼ ܗܝܼܪܵܐ.