ܡܙܡܘܪ̈ܐ 51:11-17

¹¹ܠܵܐ ܪܲܦܹܝܬ ܠܝܼ ܡ̣ܢ ܗܸܙܘܼܪܘܼܟ݂، ܘܪܘܼܚܵܐ ܕܩܘܼܕܫܘܼܟ݂ ܠܵܐ ܫܵܩܠܹܬ ܡܸܢܝܼ.

¹²ܡܲܕܸܪ ܐܸܠܝܼ ܦܨܵܚܵܐ ܕܦܘܼܪܩܵܢܘܼܟ݂، ܘܒܪܘܼܚܵܐ ܕܨܸܒ݂ܝܵܢܘܼܬܵ‌ܐ ܣܵܢܕܹܬ ܠܝܼ.

¹³ܗ̇ܝܓܵܗ ܒܸܬ ܡܲܠܦܸܢ ܠܥܵܘܵܠܹ̈ܐ ܐܘܼܪ̈ܚܵܬܘܼܟ݂، ܘܚܲܛܵܝܹ̈ܐ ܠܟܸܣܠܘܼܟ݂ ܒܸܬ ܕܵܝܪܝܼ.

¹⁴ܦܲܨܝܼ ܠܝܼ ܡ̣ܢ ܚܛܝܼܬܵ‌ܐ ܕܫܲܦܲܟ݂ܬܵ‌ܐ ܕܕܸܡܵܐ، ܝܵܐ ܐܲܠܵܗܵܐ، ܐܲܠܵܗܵܐ ܕܦܘܼܪܩܵܢܝܼ، ܘܒܦܨܝܼܚܘܼܬܵ‌ܐ ܒܸܬ ܙܵܡܹܪ ܠܸܫܵܢܝܼ ܙܲܕܝܼܩܘܼܬܘܼܟ݂.

¹⁵ܝܵܐ ܡܵܪܝܵܐ، ܦܵܬܚܹܬ ܣܸܦܘܵܬ‌ܝܼ̈، ܩܵܐ ܕܦܘܼܡܝܼ ܡܲܕܸܥ ܬܸܫܒܘܿܚܬܘܼܟ݂.

¹⁶ܣܵܒܵܒ ܠܹܐ ܒܵܣܡܵܐ ܠܘܼܟ݂ ܒܕܸܒ݂ܚܵܐ، ܐܸܠܵܐ ܒܸܬ ܝܵܗܒܹܢ ܗܘܵܐ، ܕܸܒ݂ܚܵܐ ܡܘܼܩܕܵܐ ܠܹܐ ܗܵܢܝܵܐ ܠܘܼܟ݂.

¹⁷ܕܸܒ݂ܚܵܐ ܕܐܲܠܵܗܵܐ ܪܘܼܚܵܐ ܬܒ݂ܝܼܪܬܵ‌ܐ ܝܠܵܗ̇، ܠܸܒܵܐ ܬܒ݂ܝܼܪܵܐ ܘܒܠܝܼܣܵܐ، ܝܵܐ ܐܲܠܵܗܵܐ، ܠܹܐ ܡܲܣܠܹܝܬ.