Salmo 51:11-17

¹¹Nangam agu flana di safédam, na nangam nwè di deg i Mtiu Tulusam.

¹²Kabay fuléam di deg i klehew i to gmadè tagalwà kenen di agot i sasè, na banlém agu ayègu mimen ge.

¹³Na én nimògu, tdògu di dad gamsalà i knayeam di dale, na msal ale na fdadong di ge.

¹⁴Dwata, falwaam agu di kukum di fati, du alò ge i gafalwà deg, na too agu lehew tmulen di dademe to i kagalwà mdà di ge.

¹⁵E Gumdatahgu, nweam i kyàgu talù, na toogu fdengeg i kafyem.

¹⁶Ise ku én i toom knayè i kadsù dad lmanaf, du balù blégu ge lmanaf snakuf di lifoh là gaflehew ge.

¹⁷Kabay én dsù i toom knayè i kablégu ge i ksal too mdà di nawagu; laam knagol i to malbà i nawan, i to nun klidù nawan mdà di salaan.