ܡܙܡܘܪ̈ܐ 45:1-14

¹ܚܲܒܪܵܐ ܛܵܒ݂ܵܐ ܒܸܢܒ݂ܵܥܵܐ ܝܠܹܗ ܡ̣ܢ ܠܸܒܝܼ، ܒܹܐܡܵܪܵܝ ܝܘܸܢ ܓ̰ܲܪ̈ܓܝܼ ܠܡܲܠܟܵܐ، ܠܸܫܵܢܝܼ ܩܲܢܝܵܐ ܕܣܵܦܪܵܐ ܡܗܝܼܪܵܐ.

²ܒܘܼܫ ܫܲܦܝܼܪܵܐ ܝܘܸܬ ܡ̣ܢ ܒܢܲܝ̈ܢܵܫܵܐ، ܫܦܝܼܟ݂ܬܵ‌ܐ ܝܠܵܗ̇ ܫܵܦܵܩܲܬ ܥܲܠܔ ܣܸܦܘܵܬܘܼ̈ܟ݂، ܒܘܼܬ ܐܵܗܵܐ، ܩܵܡ ܒܲܪܸܟ݂ ܠܘܼܟ݂ ܐܲܠܵܗܵܐ ܠܥܵܠܲܡ.

³ܐܣܘܿܪ ܣܲܝܦܘܼܟ݂ ܥܲܠܔ ܥܸܛܡܵܐ، ܝܵܐ ܓܲܒܵܪܵܐ، ܒܚܸܩܪܘܼܟ݂ ܘܫܘܼܒ݂ܚܘܼܟ݂،

⁴ܘܒܫܘܼܒ݂ܚܘܼܟ݂ ܪܟܘܿܒ݂ ܥܲܠܔ ܣܘܼܣܵܐ ܘܗܘܝܼ ܓ݂ܵܠܒܵܢܵܐ، ܩܵܐ ܒܘܼܬ ܫܪܵܪܵܐ ܘܡܲܟܝܼܟ݂ܘܼܬܵ‌ܐ ܘܙܲܕܝܼܩܘܼܬܵ‌ܐ، ܫܒ݂ܘܿܩ ܝܲܡܝܼܢܘܼܟ݂ ܡܲܠܦܵܐ ܐܸܠܘܼܟ݂ ܥܒ݂ܵܕܹ̈ܐ ܣܲܗܡܵܢܹ̈ܐ.

⁵ܚܲܪ̈ܝܼܦܹܐ ܝܢܵܐ ܓܹܐܪ̈ܘܼܟ݂، ܥܲܡܡܹ̈ܐ ܬܚܘܿܬ ܐܲܩܠܘܼ̈ܟ݂ ܟܹܐ ܢܵܦܠܝܼ، ܟܹܐ ܛܵܥܨܝܼ ܓܹܐܪ̈ܘܼܟ݂ ܒܠܸܒܵܐ ܕܕܸܫ̃ܡܸܢܘܼ̈ܟ݂، ܝܵܐ ܡܲܠܟܵܐ.

⁶ܬܪܘܿܢܘܿܣܘܼܟ݂، ܝܵܐ ܐܲܠܵܗܵܐ، ܠܥܵܠܲܡ ܥܵܠܡܝܼܢ، ܚܘܼܛܪܵܐ ܕܬܪܘܼܨܘܼܬܵ‌ܐ ܚܘܼܛܪܵܐ ܕܡܲܠܟܘܼܬܘܼܟ݂.

⁷ܡܘܼܚܸܒ ܠܘܼܟ݂ ܙܲܕܝܼܩܘܼܬܵ‌ܐ ܘܣܢܹܐ ܠܘܼܟ݂ ܒܝܼܫܘܼܬܵ‌ܐ، ܒܘܼܬ ܐܵܗܵܐ، ܝܵܐ ܐܲܠܵܗܵܐ، ܩܵܡ ܡܵܫܹܚ ܠܘܼܟ݂ ܐܲܠܵܗܘܼܟ݂، ܒܡܸܫܚܵܐ ܕܦܨܝܼܚܘܼܬܵ‌ܐ ܒܘܼܫ ܙܵܘܕܵܐ ܡ̣ܢ ܚܲܒ݂ܪ̈ܵܘܵܬܘܼܟ݂.

⁸ܒܡܘܼܪܵܐ، ܥܸܠܘܲܝ، ܘܩܲܣܝܵܐ ܥܘܼܛܪܸܢܹܐ ܝܢܵܐ ܟܠܵܝܗ‌ܝ ܠܒ݂ܘܼܫܘܼ̈ܟ݂، ܡ̣ܢ ܩܲܨܪܵܐ ܕܓܪܲܡܦܝܼܠܵܐ ܣܝܼܡܹ̈ܐ ܕܩܝܼܬܵܪܹ̈ܐ ܩܵܡ ܡܲܚܕܝܼ ܠܘܼܟ݂.

⁹ܒܢܵܬܹ̈‌ܐ ܕܡܲܠܟܹ̈ܐ ܒܹܝܠܔ ܡܝܲܩܪ̈ܵܬܘܼܟ݂ ܝܼܢܵܐ، ܡܲܠܟܬܵ‌ܐ ܟܠܝܼܬܵ‌ܐ ܝܠܵܗ̇ ܒܝܲܡܝܼܢܘܼܟ݂ ܒܕܲܗܒ݂ܵܐ ܕܐܵܘܦܹܝܪ.

¹⁰ܫܡܹܥ، ܝܵܐ ܒܪܵܬܵ‌ܐ، ܘܚܙܝܼ، ܘܡܲܟܸܦ ܢܵܬܵܟ݂ܝ، ܘܢܫܝܼ ܥܲܡܵܟ݂ܝ ܘܒܲܝܬܵ‌ܐ ܕܒܵܒܵܟ݂ܝ،

¹¹ܕܫܲܗܘܸܬ ܡܲܠܟܵܐ ܠܫܘܼܦܪܵܟ݂ܝ، ܣܵܒܵܒ ܗ̇ܘ ܝܼܠܹܗ ܡܵܪܵܟ݂ܝ، ܡܲܟܸܦܝ ܓܵܢܵܟ݂ܝ ܐܸܠܹܗ.

¹²ܒܪܵܬܵ‌ܐ ܕܨܘܿܪ ܒܸܬ ܐܵܬܝܵܐ ܒܡܵܘܗܲܒ݂ܬܵ‌ܐ، ܘܦܵܬܵܟ݂ܝ ܒܸܬ ܛܵܥܝܼ ܥܲܬܝܼܪܹ̈ܐ ܕܥܲܡܵܐ.

¹³ܒܟܠܔ ܚܸܩܪܵܐ ܝܠܵܗ̇ ܒܪܵܬܵ‌ܐ ܕܡܲܠܟܵܐ ܓܵܘ ܩܲܨܪܵܐ، ܠܒ݂ܝܼܫܬܘܼܗ̇ ܡ̣ܢ ܙܩܘܼܪܹ̈ܐ ܕܕܲܗܒ݂ܵܐ.

¹⁴ܒܠܒ݂ܘܼܫܹ̈ܐ ܠܩܝܼܛܹ̈ܐ ܒܸܬ ܦܵܝܫܵܐ ܠܘܼܒܸܠܬܵ‌ܐ ܠܡܲܠܟܵܐ، ܩܲܪ̈ܝܼܒ݂ܝܵܬܹ‌ܐ ܒܬܘܼܠܵܬܹ̈‌ܐ ܕܒܵܬܪܘܼܗ̇ ܦܝܵܫܵܐ ܡܘܼܬܝܹܐ ܩܲܕܡܘܼܟ݂.