ܡܙܡܘܪ̈ܐ 37:2-15

²ܣܵܒܵܒ ܐܲܝܟ݂ ܓܸܠܵܐ ܓ̰ܲܠܕܹܐ ܟܹܐ ܒܵܪܙܝܼ، ܘܐܲܝܟ݂ ܝܲܪܩܵܐ ܩܝܼܢܵܐ ܟܹܐ ܟ̰ܲܡܟ̰ܝܼ.

³ܣܒܘܿܪ ܒܡܵܪܝܵܐ ܘܥܒ݂ܘܿܕ ܛܵܒ݂ܬܵ‌ܐ، ܫܪܝܼ ܒܐܲܪܥܵܐ ܘܗܘܝܼ ܒܫܲܝܢܵܐ.

⁴ܘܥܒ݂ܘܿܕ ܒܘܼܣܵܡܵܐ ܒܡܵܪܝܵܐ، ܘܒܸܬ ܝܵܗܒܹܠܔ ܠܘܼܟ݂ ܛܠܵܒܬܵ‌ܐ ܕܠܸܒܘܼܟ݂.

⁵ܕܪܝܼ ܥܲܠܔ ܡܵܪܝܵܐ ܐܘܼܪܚܘܼܟ݂، ܘܣܒܘܿܪ ܒܝܼܹܗ، ܘܗ̇ܘ ܒܸܬ ܡܲܟܡܸܠܔ ܠܵܗ̇.

⁶ܘܒܸܬ ܦܲܠܸܛ ܐܲܝܟ݂ ܒܲܗܪܵܐ ܙܲܕܝܼܩܘܼܬܘܼܟ݂، ܘܕܝܼܘܵܢܘܼ̈ܟ݂ ܐܲܝܟ݂ ܛܲܗܪܵܐ.

⁷ܫܠܝܼ ܩܲܕܡ ܡܵܪܝܵܐ، ܘܣܦܘܿܪ ܐܸܠܹܗ، ܠܵܐ ܥܵܒ݂ܕܹܬ ܚܣܵܡܵܐ ܒܡܲܢܬܝܼܵܢܵܐ ܒܐܘܼܪܚܹܗ، ܒܐܢܵܫܵܐ ܥܵܒ݂ܕܵܢܵܐ ܕܦܸܠܡܹ̈ܐ.

⁸ܪܦܝܼ ܡ̣ܢ ܟܲܪܒܵܐ ܘܫܒ݂ܘܿܩ ܚܸܡܬܵ‌ܐ، ܠܵܐ ܥܵܒ݂ܕܹܬ ܚܣܵܡܵܐ ܠܸܥܒ݂ܵܕܵܐ ܒܝܼܫܬܵ‌ܐ.

⁹ܣܵܒܵܒ ܒܝܼܫܹ̈ܐ ܒܸܬ ܦܵܝܫܝܼ ܩܛܝܼܥܹܐ، ܐܝܼܢܵܐ ܣܵܦܪ̈ܵܢܹܐ ܠܡܵܪܝܵܐ، ܐܵܢܝܼ ܒܸܬ ܝܵܪܬ‌ܝܼ ܐܲܪܥܵܐ.

¹⁰ܘܚܲܕܟ̰ܵܐ ܐܚܹܪܢܵܐ، ܘܠܲܝܬ ܪܲܫܝܼܥܵܐ، ܘܒܸܬ ܚܵܝܪܹܬ ܥܲܠܔ ܕܘܼܟܬܹܗ، ܐܝܼܢܵܐ ܠܲܝܬ ܗ̇ܘ.

¹¹ܐܝܼܢܵܐ ܡܸܣܟܹܢܹ̈ܐ ܒܸܬ ܝܵܪܬ‌ܝܼ ܐܲܪܥܵܐ، ܘܒܸܬ ܥܵܒ݂ܕܝܼ ܒܘܼܣܵܡܵܐ ܒܦܸܪܝܘܼܬܵ‌ܐ ܕܫܠܵܡܵܐ.

¹²ܪܲܫܝܼܥܵܐ ܟܹܐ ܥܵܒܹܕ ܦܸܠܡܵܐ ܥܲܠܔ ܙܲܕܝܼܩܵܐ، ܘܟܹܐ ܚܲܪܚܸܟ̃ ܥܲܠܘܼܗ‌ܝ ܟܹܟܘܼ̈ܗ‌ܝ.

¹³ܐܝܼܢܵܐ ܡܵܪܝܵܐ ܟܹܐ ܓܵܚܹܟ ܒܝܼܹܗ، ܣܵܒܵܒ ܚܙܹܐ ܠܹܗ ܕܒܸܬ ܐܵܬܹ‌ܐ ܝܵܘܡܹܗ.

¹⁴ܣܲܝܦܵܐ ܓܪܝܼܫ ܠܗܘܿܢ ܪ̈ܲܫܝܼܥܹܐ، ܘܡܬܝܼܚ ܠܗܘܿܢ ܩܸܫܬܵܝܗ‌ܝ، ܠܡܲܢܦܘܼܠܹܐ ܡܸܣܟܹܢܵܐ ܘܣܢܝܼܩܵܐ، ܠܸܩܛܵܠܵܐ ܠܬܪ̈ܘܼܨܹܐ ܕܐܘܼܪܚܵܐ.

¹⁵ܣܲܝܦܵܝܗ‌ܝ ܒܸܬ ܥܵܒܹܪ ܒܠܸܒܵܝܗ‌ܝ، ܘܩܸܫܬܵܬܵܝ̈ܗ‌ܝ ܒܸܬ ܦܵܝܫܝܼ ܬܒ݂ܝܼܪܹܐ.