يَبُرَ 89:4-35

⁴«ﭑ بَرَ سَاتّ شِرِ ﭑ نُن ﭑ مَ مِشِ سُفَندِشِ رَ، ﭑ بَرَ يِ كّرّ تٌنفٌ ﭑ مَ كٌنيِ دِ دَوُدَ بّ.

⁵‹ﭑ عِ بْنسْي رَ سَبَتِمَ نّ عَبَدَن، ﭑ عِ شَ كِبَنيِ تِ تّمُي بِرِن.›» حّنفِ رَتٍ.

⁶ﭑ مَرِفِ، نَشٍيٍ نَ كٌورٍ مَ عٍ عِ مَتْشْمَ، مَلٍكّيٍ عِ تَنتُمَ عِ شَ دُفُتّفّحَ شَ قٍ رَ.

⁷ندٍ نَ كٌورٍ مَ نَشَن مَنِيَمَ مَرِفِ عَلَ رَ؟ ندٍ لُشِ عَلْ مَرِفِ عَلَ مَلٍكّيٍ يَ مَ؟

⁸عَلَ مَفَاشُ عَ شَ سّنِيّنتْييٍ شَ مَلَنيِ، عٍ بِرِن عٍ مَفٌرٌ عَ بّ.

⁹مَرِفِ عَلَ، ندٍ سّنبّ فبٌ عَلْ عِ تَن مَنفّ عَلَ؟ عِ شَ دُفُتّفّحَ نَ يِرٍ بِرِن.

¹⁰عِ تَن نَن بَا يَمَرِ مَ، عِ عَ مْرْنيِيٍ رَشَرَ.

¹¹عِ تَن نَن نْ مِسِرَ رَ، عِ عَ سْنتْ. عِ عِ يَشُييٍ رَيٍنسٍن عِ سّنبّ رَ.

¹²عِ تَن نَن فبٍ كٌورٍ رَ، عِ تَن نَن فبٍ بْشِ رَ. عِ تَن نَن دُنِحَ بِرِن دَا.

¹³سٍ نَشَن نَ كْولَ مَ، سٍ نَشَن نَ يِرٍقَنيِ مَ، عِ تَن نَن عَ بِرِن دَاشِ. تَبٌرٌ نُن شٍرِ مٌن فٍيَيٍ عِ شِلِ مَتْشْمَ.

¹⁴عِ سّنبّ فبٌ.

¹⁵تِنشِنيِ نُن نْندِ نَن نَ عِ شَ كِبَنيِ سَنبُنيِ رَ، شَنُنتٍيَ نُن دُفُتّفّحَ قَن تِشِ عِ يَ رَ.

¹⁶مَرِفِ، سّيوّ نَ حَمَ بّ نَشَن عِ شِلِ مَتْشْمَ، عٍ عٍ حّرّ مَ عِ شَ نَءِيَلَنيِ نَن مَ.

¹⁷عٍ سّيوَ مَ عِ شِلِ شَ قٍ رَ، عٍ شُن نَكٍلِمَ عِ شَ تِنشِنيِ سَابُي رَ.

¹⁸عِ تَن نَن قِندِشِ عٍ شَ نَءِيَلَنيِ نُن عٍ سّنبّ رَ. مُشُ سّنبّ فبٌ عِ شَ هِننّ شَ قٍ رَ.

¹⁹مُشُ مَرِفِ نَن نَ مُشُ كَنتَمَ نُن مُشُ شَ مَنفّ رَ، عِسِرَيِلَ شَ سّنِيّنتْي نَ عَ رَ.

²⁰عِ وْيّن نّ عِ شَ حَمَ بّ لَامَتُنيِ رَ، عَ قَلَقٍ رَ، «ﭑ بَرَ سّنبّ قِ فٍرٍ سٌي ندٍ مَ، ﭑ نَشَن شُن نَكٍلِشِ حَمَ تَفِ.

²¹ﭑ بَرَ ﭑ مَ كٌنيِ دَوُدَ تٌ، ﭑ تُرٍ سّنِيّنشِ سُرُ سُرُ عَ شُنيِ مَ سُفَندِ رَ.

²²ﭑ نَ ﭑ بّلّشّ رَ سٌمَ عَ بُن مَ، ﭑ سّنبّ قِمَ نّ عَ مَ عَ قَنيِ رَ.

²³عَ يَشُي مُ عَ تّرّننَمَ، تِنشِنتَرٍ مُ عَ تْورْ مَ.

²⁴ﭑ عَ يَشُييٍ عِبُتُشُنمَ نّ، ﭑ عَ شْنمَيٍ بْنبْمَ نّ.

²⁵ﭑ شَنُنتٍيَ نُن ﭑ مَ دُفُتّفّحَ لُمَ نّ عَ مَ، عَ سّنبّ فبٌمَ ﭑ شِلِ نَن سَابُي رَ.

²⁶بَايٍ نُن شُرٍيٍ بِرِن سَمَ نّ عَ شَ مَنفّيَ بُن مَ.

²⁷عَ عَ قَلَمَ نّ ﭑ بّ، ‹ﭑ بَبَ نَن عِ رَ، ﭑ مَرِفِ عَلَ، ﭑ مَ مَرَكِسِمَ.›

²⁸ﭑ عَ قِندِ مَ نّ ﭑ مَ دِ سِنفٍ رَ، نَشَن شُنفبٌ دُنِحَ مَنفّيٍ بِرِن بّ.

²⁹ﭑ نَ ﭑ مَ دُفُتّفّحَ مَبَنبَنمَ نّ عَ بّ، مُشُ سَاتّ نَشَن شِرِشِ، عَ مُ كَنَمَ عَبَدَن.

³⁰ﭑ عَ بْنسْي رَ سَبَتِمَ نّ، ﭑ عَ شَ مَنفّ كِبَنيِ مَبَنبَنمَ نّ قَننِ كٌورٍ نَ.

³¹عَ شَ دِيٍ نَ ﭑ مَ سّرِيّ رَبٌلٌ، عٍ مُ عٍ حّرّ ﭑ مَ يَامَرِ بُن مَ،

³²عٍ ﭑ شُي مَتَندِ، عٍ مُ ﭑ وَشْنقٍ سُشُ،

³³ﭑ عٍ بْنبْمَ لُشُسِنيِ نَن نَ، ﭑ عٍ حَشَنكَتَمَ قُرٍ حَاشِيٍ رَ.

³⁴كْنْ ﭑ مُ ﭑ مَ دُفُتّفّحَ بَمَ عَ مَ. ﭑ مُ ﭑ شُي يَنقَمَ،

³⁵ﭑ مُ ﭑ مَ سَاتّ كَنَمَ، ﭑ مَن مُ ﭑ شُي مَسَرَ مَ.