يَبُرَ 80:3-18

³عِ سّنبّ رَ مِنِ عٍقِرَ مِ، بُنيَمِن، نُن مَنَسِ بْنسْي يَ عِ، عِ شَ مُشُ رَكِسِ.

⁴عَلَ، عِ شَ مُشُ رَفبِلٍن، عِ شَ هِننّ مُشُ رَ عَلَكٌ مُشُ شَ كِسِ سْتْ.

⁵مَنفّ عَلَ، عِ تٌندِ مَ عِ شَ حَمَ شَ مَشَندِ سُشُدٍ عِ شَ شْنّ شَ قٍ رَ هَن مُن تّمُي؟

⁶عِ عٍ رَبَلٌمَ عٍ يَيٍ رَ، عِ عٍ يَيٍ قِمَ عٍ مَ مِنسٍ رَ هَن مُن تّمُي؟

⁷عِ بَرَ لَنتَرٍيَ رَ سٌ مُشُ نُن مُشُ دْشْبٌورٍيٍ تَفِ، عٍ يٌمَ مُشُ مَ.

⁸مَنفّ عَلَ، عِ شَ مُشُ رَفبِلٍن، عِ شَ هِننّ مُشُ رَ عَلَكٌ مُشُ شَ كِسِ سْتْ.

⁹عِ وّنِ بِلِ ندٍ تَلَ نّ مِسِرَ نَشَن قِندِشِ عِ شَ حَمَ رَ. عِ نَشَ سِيٍ ندٍيٍ كٍرِ يِرٍ ندٍ، عِ قَ عَ تَن سِ نَا.

¹⁰عِ تٌ نَ يِرٍ يَءِلَن عَ بّ، عَ نَشَ عَ سَنكٍيٍ مَسْرْن، عَ بْشِ رَقٍ.

¹¹فٍيَيٍ نَشَ لُ عَ شَ نِينِ بُن مَ، عَ سَلٌنيِيٍ نُ شُنفبٌ عَلْ سّدِرِ وُرِيٍ.

¹²عَ سَلٌنيِيٍ نُ كُيَ رَ هَن عٍ بَا نُن شُرٍ دّ لِ.

¹³كْنْ عِ تَن بَرَ عَ شَ تّتّ كَنَ، دَنفِ مِشِيٍ قَ عَ بٌفِ بَ.

¹⁴وُلَءِ شْسّيٍ نَا يٍفٍلٍنمَ، بُورُنيِ سُبٍيٍ قَن بَلٌمَ عَ بٌفِيٍ رَ. مُنقٍ رَ؟

¹⁵مَنفّ عَلَ يَندِ، عِ شَ فبِلٍن قَ رَ، عِ يَ رَفٌرٌ مُشُ مَ كٍلِ كٌورٍ، عِ مُشُ مَتٌ، كِنِكِنِ نَ وّنِ بِلِ مَ،

¹⁶عِ نَشَن سِ عِ يّتّ بّ عِ بّلّشّ رَ.

¹⁷يَكْسِ عَ بَرَ فَن، عَ سّفّ عِ شَ شْنّ سَابُي رَ.

¹⁸عِ بّلّشّ شَ لُ عَدَ مَ شَ دِ مَ، نَشَن نَ عِ يِرٍقَنيِ مَ، عِ نَشَن شُن نَكٍلِشِ.