يَبُرَ 78:47-72

⁴⁷عَ نَشَ عٍ شَ وّنِ سَنسِيٍ كَنَ بَلَبَلَنيِ رَ، عَ نَشَ عٍ شَ سِكٌمٌرٌ بِلِيٍ تُشُنسَن تُنّ شِنبٍلِ رَ.

⁴⁸بَلَبَلَنيِ نَشَ عٍ شَ شُرُ سٍيٍ قَشَ، فَلَنيِ نَشَ عٍ شَ فْورّيٍ سْنتْ.

⁴⁹عَ نَشَ عَ شَ شْنّ شْرْشْي رَ مِنِ عٍ مَ، عَ بْحّ نَشَ تٍ عٍ مَ، هَن عَ نَشَ مَلٍكّ كَسَرَتِيٍ رَفٌرٌ عٍ شِلِ مَ.

⁵⁰عَ نَشَ عَ شَ شْنّ قُلُن عٍ مَ، عَ مُ عٍ نِي رَتَنفَ قَشّ مَ، عَ قٍ شْرْشْييٍ رَدِن عٍ مَ.

⁵¹عَ نَشَ مِسِرَ دِ سِنفٍ بِرِن قَشَ، عٍ هَمِ بْنسْييٍ قٌنِكٍ بِرِن قَشَ.

⁵²نَ نَن عَ رَ عَ نَشَ عَ شَ حَمَ رَ مِنِ عَلْ يّشّي فْورّ، عَ نَشَ عٍ رَحّرّ عَلْ شُرُ سٍيٍ فبٍنفبٍرٍنيِ مَ.

⁵³عَ نَشَ عٍ شَنِن بْحّسَ كُي فَاشُي يٌ مُ عٍ سْتْ، كْنْ عَ نَشَ عٍ يَشُييٍ مَدُلَ بَا مَ.

⁵⁴نَ كِ، عَ نَشَ عٍ شَنِن عَ شَ بْشِ سّنِيّنشِ مَ، عَ شَ فٍيَ عَ نَشَن سْتْ عَ سّنبّ رَ.

⁵⁵عَ نَشَ بْنسْييٍ كٍرِ عٍ يَ رَ، عَ قَ نَ بْشِيٍ عِتَشُن عِسِرَيِلَ بْنسْييٍ مَ كّ رَ، عَ مّننِ قِندِ عٍ سَبَتِدٍ رَ.

⁵⁶كْنْ عٍ مَن نَشَ فٍرٍفِرِ عَلَ شِلِ شُنفبٍ كَنيِ مَ، عٍ تٌندِ عَ شَ يَامَرِيٍ رَبَتُدٍ.

⁵⁷عٍ نَشَ عٍ مَكُيَ عَلَ رَ، عٍ قِندِ يَنقَنتٍ رَ عَلْ عٍ بٍنبَيٍ عَ رَبَشِ كِ نَشّ، عٍ لُ عَلْ شَلِ كَنَشِ.

⁵⁸عٍ نَشَ عَ رَشْنْ عٍ شَ كُيٍ بَتُدٍيٍ رَ، عٍ عَ رَتْونّ عٍ شَ وُرِ مَسٌلِشِيٍ رَ.

⁵⁹عَلَ تٌ نَ قٍ مّ، عَ نَشَ شْنْ كِ قَنيِ، عَ عِسِرَيِلَ رَبٌلٌ.

⁶⁰عَ نَشَ عَ شَ لِنفِرَ رَبّحِن سِلٌ، عَ نُ نَشَن تِشِ مِشِيٍ تَفِ.

⁶¹عَ نَشَ عَ شَ سَاتّ كَنكِرَ لُ يَشُي سَفٌي، عٍ كَنكَن عَ شَ نْرّ شَ تْنشُمَ مَ.

⁶²عَ تٌ شْنْ عَ شَ حَمَ عِسِرَيِلَ مَ، عَ نَشَ عَ نِيَ عٍ شَ سْنتْ سَنتِدّفّمَ رَ.

⁶³عٍ شَ قٌنِكٍيٍ نَشَ فَن تّ رَ، عٍ شَ فِنّدِ مّدِيٍ مُ مَتْشْي سْتْ،

⁶⁴عٍ شَ سّرّشّدُبّيٍ نَشَ قَشَ سَنتِدّفّمَ رَ، عٍ شَ كَاحّ فِنّيٍ قَن مُ وَ.

⁶⁵مَرِفِ نَشَ كٍلِ عَلْ مِشِ نَشَن كٍلِشِ شِ شْلِ مَ، عَلْ سْورِ نَشَن نْمَ عَ شَ سِيسِ رَ.

⁶⁶عَ نَشَ عَ يَشُييٍ بْنبْ، عَ عٍ لُ يَافِ كُي نَشَن مُ حْنمَ.

⁶⁷عَ نَشَ يُسُقُ بْنسْي رَبّحِن، عَ تٌندِ عٍقِرَ مِ بْنسْي سُفَندِدٍ.

⁶⁸عَ نَشَ يُدَ بْنسْي سُفَندِ، عَ نُن سِيٌن فٍيَ نَشَن نُ رَقَنشِ عَ مَ.

⁶⁹عَ نَشَ عَ شَ هْرْ مْلِنفِرَ تِ عَلْ يِرٍ عِتٍشِ، عَلْ عَ دُنِحَ تِشِ كِ نَشّ، عَ شَ بُ شْنكُيٍ رَ.

⁷⁰عَ نَشَ عَ شَ كٌنيِ دَوُدَ سُفَندِ، عَ عَ تٌنفٌ فْورّ يَ مَ،

⁷¹عَ نُ مّينِقٍ يّشّي مَ دّننَشّ، عَلَكٌ عَ شَ مّينِ عَلَ شَ حَمَ مَ، نَشَن قِندِشِ يَشُبَ بْنسْي عِسِرَيِلَ رَ.

⁷²دَوُدَ نَشَ مّينِ عٍ مَ عَ بْحّ قِيشّ رَ، عَ عٍ مَسُشُ شَشِلِمَيَ رَ.