يَبُرَ 44:2-20

²عَلَ، مُشُ بَرَ عَ مّ مُشُ بٍنبَيٍ سَابُي رَ، عِ وَلِ نَشَن نَبَشِ تّمُي دَنفِشِ.

³عِ بَرَ سِيٍ كٍرِ بٍ عَلَكٌ مُشُ بٍنبَيٍ شَ سَبَتِ يِ بْشِ مَ.

⁴عٍ مُ بٍ سْتْ عٍ شَ سَنتِدّفّمَ شَ رَ، عٍ مُ كِسِ سْتْ عٍ يّتّ سّنبّ شَ رَ. عِ تَن نَن سّنبّ بَرَ عٍ رَكِسِ، عِ تَن نَن شَ هِننّ بَرَ قِندِ نَ سَابُي رَ.

⁵عَلَ، عِ تَن نَن قِندِ ﭑ مَ مَنفّ رَ. يَندِ، عِ شَ يَشُبَ بْنسْي رَكِسِ.

⁶مُشُ قَمَ مُشُ يَشُييٍ رَفبِلٍندٍ عِ تَن نَن سَابُي رَ، مُشُ قَمَ عٍ رَفٌرٌدٍ عِ شِلِ رَ.

⁷ﭑ مُ ﭑ شَشِلِ تِشِ ﭑ مَ شَلِ شَ رَ، ﭑ مَ سَنتِدّفّمَ مُ نْمَ ﭑ نَكِسِدٍ.

⁸كْنْ عِ تَن نَن مُشُ رَتَنفَمَ مُشُ يَشُييٍ مَ، عِ تَن نَن مُشُ شْنمِشِيٍ رَيَافِمَ.

⁹مُشُ عَلَ نَن مَتْشْمَ تّمُي بِرِن، مُشُ عِ تَن نَن شِلِ تَنتُمَ عَبَدَن. حّنفِ رَتٍ.

¹⁰كْنْ يَكْسِ عِ بَرَ مُشُ رَبّحِن، عِ بَرَ مُشُ رَيَافِ. عِ مُ مُشُ شَ سْورِيٍ مَلِمَ سْنْن.

¹¹عِ بَرَ مُشُ رَفِ مُشُ يَشُييٍ يَ رَ، نَشٍيٍ مُشُ شْنشِ، نٍيٍ بَرَ مُشُ هَرِفٍ بِرِن بَ مُشُ يِ رَ.

¹²عِ بَرَ مُشُ رَبّحِن عَلَكٌ عٍ شَ مُشُ قَشَ عَلْ شُرُ سٍيٍ، عِ بَرَ مُشُ رَيٍنسٍن حَمَنّ فبّتّيٍ مَ.

¹³عِ بَرَ عِ شَ حَمَ مَتِ سَرٍ شُرِ رَ، نَشَن مُ قِندِ مَ فٍينِ رَ عِ بّ.

¹⁴عِ بَرَ مُشُ رَيَافِ مُشُ دْشْبٌورٍيٍ شْن مَ. مُشُ رَبِلِنيِيٍ يٌمَ مُشُ مَ.

¹⁵عِ بَرَ عَ نِيَ سِ فبّتّيٍ شَ مُشُ مَيٍلٍ، عٍ نُ عٍ شُنيِيٍ لِنتَن مُشُ مَ.

¹⁶ﭑ شَشِلِ عِقُشِ تّمُي بِرِن، ﭑ بَرَ يَافِ.

¹⁷نَشٍيٍ ﭑ شْنشِ، نٍيٍ ﭑ مَيٍلٍمَ، عٍ ﭑ كٌنبِمَ. عٍ وَ مَ عٍ فبٍحْشْقٍ.

¹⁸هَلِ يِ بِرِن تٌ رَبَشِ مُشُ رَ، مُشُ مُ نّيمُشِ عِ مَ، مُشُ مُ عِ شَ سَاتّ كَنَشِ.

¹⁹مُشُ بْحّ مُ فبِلٍنشِ عِ قْشْ رَ، مُشُ مُ مُشُ مَكُيَشِ عِ شَ كِرَ رَ،

²⁰نَشَن عَ نِيَمَ عِ شَ مُشُ لُ وُلَبَرٍيٍ تَفِ، مُشُ شَ قَشَ.