يَبُرَ 37:30-40

³⁰تِنشِنتْي لْننِ نَن مَسٍنمَ، سّرِيّ نَن مِنِمَ عَ دّ كُي.

³¹عَ مَرِفِ عَلَ شَ سّرِيّ نَ عَ بْحّ كُي، عَ مُ بِرَ مَ كِرَ شْن.

³²مِشِ حَاشِ تِنشِنتْي يَنقَمَ، عَ شَ عَ قَشَ.

³³كْنْ عَلَتَلَ مُ تِنشِنتْي لُمَ عَ يَشُييٍ سَفٌي. عَ مُ تِنمَ عٍ شَ عَ تْوحّفّ كِيتِ تّمُي.

³⁴عِ شَشِلِ تِ عَلَتَلَ رَ، عَ شَ كِرَ سُشُ، عَلَكٌ عَ شَ عِ رَكٍلِ، عِ شَ يِ بْشِ سْتْ كّ رَ. نَ تّمُي عِ مِشِ حَاشِيٍ تٌمَ نّ عٍ هَلَكِشِ.

³⁵تّمُي دَنفِشِ ﭑ بَرَ سّنبّمَ حَاشِ ندٍ تٌ. عَ شُنفبٌ عَلْ وُرِ تٌقَنيِ.

³⁶كْنْ ﭑ تٌ دَنفِ عَ يِرٍ عَ قِرِن ندٍ، ﭑ نَشَ عَ لِ عَ شَ قٍ شُبٍن. ﭑ نَشَ عَ قٍن، كْنْ ﭑ مُ عَ تٌ.

³⁷عِ شَ مِشِ قَنيِ نَن مَتٌ، تِنشِنتْي نَن عِفبّ. نَ مِشِ مْولِ قِندِ مَ بَرَكَتْي نَن نَ.

³⁸كْنْ يُنُبِتْييٍ تَن قَمَ نّ سْنتْدٍ، عٍ بْنسْي بِرِن قَ هَلَكِ.

³⁹عَلَتَلَ تِنشِنتْييٍ رَكِسِمَ نّ، عَ قِندِ عٍ شَ مَكَنتَمَ رَ عٍ شَ تْورّ كُي.

⁴⁰عَ عٍ مَلِمَ نّ، عَ عٍ رَتَنفَ. عَ عٍ رَتَنفَ مِشِ حَاشِيٍ مَ، عَ عٍ رَكِسِ، بَرِ مَ عٍ يِفِيَشِ عَ تَن نَن مَ.