يَبُرَ 37:3-26

³عِ شَ عِ تَشُ عَلَتَلَ رَ، عِ شَ قٍ قَنيِ رَبَتُ. عِ شَ لُ يِ بْشِ مَ، نْندِ شَ قِندِ عِ شَ بَلٌي رَ.

⁴عَلَتَلَ شَ قِندِ عِ وَشْنقٍ رَ. نَ كُي عَ عِ وَشْنقٍ رَفِرِ مَ نّ.

⁵عِ عِ شَشِلِ تِ عَلَتَلَ رَ، عَ بِرِن تَشُ عَ رَ. عَ تَن نَن قٍ رَفِرِ مَ.

⁶عَلَ قَمَ عِ شَ نْندِ مَكّنّندٍ عَلْ عَ سٌفٍ رَ مِنِمَ كِ نَشّ فّيسّفّ. عَ عِ شَ شُننَكٍلِ مَكّنّنمَ عَلْ سٌفٍ نَشَن يَنبَمَ يَنيِ رَ.

⁷عِ بْحّ رَشَرَ عَلَتَلَ يَ عِ، عِ شَ مَمّ تِ، عَلَ نَ نَ. عِ نَشَ مِشِ حَاشِ تْونّ هَلِ عَ شَ قٍ بِرِن سْونّيَشِ.

⁸عِ نَشَ شْنْ، عِ عِ بْحّ مَفٌرٌ. نَ تْونّ لُ نَ، عَ مُ قٍيٍ سْونّيَمَ عِ بّ.

⁹عَلَ قَمَ مِشِ حَاشِيٍ رَحْندٍ، كْنْ نَشٍيٍ عٍ شَشِلِ تِشِ عَلَ رَ، عٍ قَمَ يِ بْشِ سْتْدٍ كّ رَ.

¹⁰عَ مُ بُمَ مِشِ حَاشِيٍ شَ لْي دُنِحَ مَ. عٍ مُ تٌمَ دّدّ.

¹¹نَشٍيٍ بْحّيٍ مَفٌرٌشِ، عٍ تَن نَن قَمَ يِ بْشِ سْتْدٍ كّ رَ، عٍ لُ بْحّسَ كُي.

¹²تِنشِنتَرٍ تِنشِنتْي يَنقَمَ، عَ شْنْ عَ مَ.

¹³كْنْ مَرِفِ يٍلٍمَ نَ مِشِ حَاشِ مَ، بَرِ مَ عَ عَ كٌلٌن عَ قَمَ نَشَن سْتْدٍ.

¹⁴مِشِ حَاشِيٍ سَنتِدّفّمَ بَمَ عَ تّي عِ، عٍ شَلِ قَن سُشُ، عَلَكٌ عٍ شَ مِسِكِينّ نُن سٍتَرٍ تْورْ، عٍ شَ تِنشِنتْي كْن نَشَبَ.

¹⁵كْنْ عٍ تَن نَن قَمَ قَشَدٍ عٍ يّتّ شَ سَنتِدّفّمَ سَابُي رَ. عٍ شَ شَلِيٍ قَمَ فِرَدٍ.

¹⁶سٍ شُرِ نَشَن نَ تِنشِنتْي يِ رَ، عَ قِسَ مِشِ حَاشِيٍ شَ بَننَيَ بّ،

¹⁷بَرِ مَ عَلَتَلَ عٍ سّنبّ كَنَمَ نّ، عَ قَ تِنشِنتْي مَلِ.

¹⁸عَلَتَلَ حّنفِ سَشِ مِشِ قَنيِ شْن. عٍ كّ بُمَ نّ عَبَدَن.

¹⁹عٍ مُ يَافِمَ تْورّ تّمُي، عٍ لُفَمَ نّ كَامّ وَشَتِ.

²⁰كْنْ مِشِ حَاشِيٍ قَشَمَ نّ. عَلَتَلَ يَشُييٍ لُمَ نّ عَلْ قِيلِ، نَشَن سّشّ لِسِمَ، عَ قَ فَن.

²¹مِشِ حَاشِ دٌنِ تٌنفٌمَ نّ، كْنْ عٍ مُ عَ قِمَ. مِشِ قَنيِ تَن مِشِيٍ كِمَ عَ شَ قٌنِسِرٍيَ كُي.

²²عَلَتَلَ شَ بَرَكَتْييٍ يِ بْشِ سْتْمَ نّ كّ رَ، كْنْ عَلَ نَشَن دَنكَمَ، نَ كَنيِ قَمَ هَلَكِدٍ.

²³نَشَن حّرّ كِ رَقَن عَلَتَلَ مَ، عَ نَ كَنيِ مَلِمَ نّ عَ شَ دُنِحّءِفِرِ كُي.

²⁴هَلِ عَ سَ دِنكٌن، عَ مُ بِرَ مَ، بَرِ مَ عَ بّلّشّ نَ عَلَتَلَ يِ رَ.

²⁵كَبِ ﭑ دِ مّدِ تّمُي، هَن ﭑ شّمْشِ رَ، ﭑ مُ تِنشِنتْي كٍرٍن تٌشِ عَلَ نَشَن نَبّحِنشِ، نَشَن شَ دِيٍ تَامِ مَكُلَمَ.

²⁶تِنشِنتْي كِ تِمَ، عَ مِشِيٍ دٌنِمَ. عَ شَ دِيٍ بَرَكّ سْتْمَ نّ.