يَبُرَ 144:3-14

³عَلَتَلَ، مُنسٍ نَ عَدَ مَ رَ عِ تٌ قَ مّينِشِ عَ مَ؟ مُنسٍ نَ عَدَ مَ شَ دِ رَ عِ تٌ قَ عِ حْشْ سَشِ عَ شْن مَ؟

⁴عَدَ مَدِ لُشِ نّ عَلْ حّنفِ قٌيٍ، عَ شَ سِمَيَ دَنفِمَ نّ عَلْ نِينِ دَنفِمَ كِ نَشّ.

⁵عَلَتَلَ، عِ شَ كٌورٍ رَبِ عِ فٌرٌقٍ رَ، عِ قَ دِن فٍيَيٍ رَ عَلَكٌ تُورِ شَ تٍ.

⁶عِ شَ سٍيَمَكْنيِ رَبُلَ يَشُييٍ رَيٍنسٍنقٍ رَ. شَلِيٍ وٌلِ عَلَكٌ عٍ شَ سِفَ.

⁷عِ شَ عِ بّلّشّ عِتَلَ كٍلِقٍ كٌورٍ مَ، عَلَكٌ عِ شَ ﭑ نَكِسِ، عِ شَ ﭑ نَتَنفَ ﭑ يَشُييٍ مَ عَلْ مِشِ رَتَنفَمَ مْرْنيِيٍ مَ كِ نَشّ.

⁸ﭑ نَكِسِ وُلٍ قَلّيٍ مَ نَشٍيٍ وَ مَ ﭑ مَدَشُقٍ.

⁹عَلَ، ﭑ بّيتِ نّينّ بَمَ نّ عِ بّ ﭑ مَ كْرَ لُوتِ قُ دَاشِ شُي رَ.

¹⁰ﭑ عِ مَتْشْمَ نّ، عِ تَن نَشَن مَنفّيٍ شُن نَكٍلِمَ، نَشَن عِ شَ كٌنيِ دَوُدَ رَتَنفَمَ سَنتِدّفّمَ حَاشِ مَ.

¹¹ﭑ نَكِسِ، ﭑ نَتَنفَ ﭑ يَشُييٍ مَ، نَشَن وُلٍ قَلَمَ مِشِ مَدَشُقٍ رَ.

¹²نَ تّمُي مُشُ شَ دِ شّمّيٍ قَنمَ نّ عَلْ وُرِ بِلِيٍ، مُشُ شَ دِ فِنّيٍ تٌقَنمَ نّ عَلْ كْنتِفِبَ، نَشٍيٍ مَسٌلِشِ مَنفّ بَنشِ كُي.

¹³مُشُ شَ بَنشِيٍ رَقٍمَ نّ دَشَمُي مْولِ بِرِن نَ، مُشُ شَ فْورّيٍ وُيَمَ نّ عَ وُلُ وُلُ مَ،

¹⁴مُشُ شَ نِنفٍيٍ شُنفبٌمَ نّ، لَنيُرُ يٌ مُ لُمَ عٍ مَ، عٍ قُرِ مُ بِرَ مَ، سْنشْي مُ مّمَ مُشُ مَلَندٍيٍ.