يَبُرَ 139:3-16

³عِ ﭑ حّرّ تّمُي كٌلٌن، عِ ﭑ سَ تّمُي كٌلٌن، عِ ﭑ مَ كِرَيٍ بِرِن كٌلٌن.

⁴بٍينُن وْيّنيِ شَ مِنِ ﭑ دّ عِ، عِ تَن حَن بَرَ عَ بِرِن كٌلٌن.

⁵عِ ﭑ نَبِلِنمَ نّ عِ شْنيّيٍ رَ.

⁶نَ قٍ كٌلٌنيِ مَكَابَشِ فبٌ ﭑ تَن بّ، عَ دَنفِ ﭑ مَ قَهَامُي رَ.

⁷ﭑ سِفَمَ مِندٍن، ﭑ شَ ﭑ مَكُيَ عِ شَشِلِ رَ؟ ﭑ نَ ﭑ فِمَ مِندٍن، ﭑ شَ ﭑ نْشُن عِ مَ؟

⁸شَ ﭑ سَ تٍ كٌورٍ نّ، عِ نَ مّننِ. شَ ﭑ سَ فٌرٌ عَلِفِيَمَ نّ، ﭑ عِ لِمَ نّ نَا.

⁹شَ ﭑ سَ كٍلِ سُبَشّ مَ، ﭑ بَا عِفِرِ،

¹⁰عِ بّلّشّ ﭑ نَحّرّ مَ نّ، عِ سّنبّ ﭑ مَلِمَ نّ.

¹¹شَ عَ سَ لِ ﭑ قَ عَ قَلَ، «ﭑ نْمَ ﭑ نْشُندٍ دِ مِ كُي نَءِيَلَنيِ مُ نَ دّننَشّ،»

¹²عِ ﭑ تٌمَ نّ نَ دِ مِ كُي عَلْ ﭑ نَ سٌفٍ نَن بُن مَ.

¹³عِ تَن نَن ﭑ نِي دَاشِ، عِ تَن نَن ﭑ نَقَلَشِ ﭑ نفَ تّيفّ.

¹⁴ﭑ عِ مَتْشْمَ نّ بَرِ مَ ﭑ دَا كِ مَكَابَ. عِ شَ وَلِ مَنِيّ مُ نَ. ﭑ نَ كٌلٌنشِ عَ قَنيِ رَ.

¹⁵ﭑ قَتٍ كِ مُ نُ نْشُنشِ عِ مَ عَ تٌ يَءِلَنشِ فُندٌ كُي.

¹⁶عِ يَيٍ نَشَ ﭑ تٌ بٍينُن ﭑ شَ قِندِ عَ رَ. ﭑ مَ لْشْييٍ بِرِن نُ سّبّشِ عِ شَ بُكِ كُي بٍينُن ﭑ شَ دَالِ.