يٌسُوٍ 1:7-14

⁷عِ لَن نّ عِ شَ عِ سّنبّ سٌ، لِمَنِيَ شَ لُ عِ بّ كِ قَنيِ رَ. عِ شَ عِ حّنفِ سَ يِ سّرِيّ بِرِن شْن مَ، عِ شَ عَ رَبَتُ عَلْ ﭑ مَ كٌنيِ عَننَبِ مُنسَ عِ يَمَرِشِ عَ رَ كِ نَشّ. عِ نَشَ بِنيَ يِرٍقَنيِ مَ، عِ نَشَ بِنيَ كْولَ مَ، عَلَكٌ عِ شَ شُتُ سْتْ يِرٍ مَ عِ نَ سِفَ دّننَشّ.

⁸يِ سّرِيّ كِتَابُي قَلّ مُ لَن عَ شَ مَكُيَ عِ دّ رَ. عِ شَ عِ حّنفِ سَ عَ شْن مَ كْي نُن يَنيِ، عَلَكٌ عِ شَ عَ بِرِن نَبَتُ. نَشَن بِرِن سّبّشِ عِ شَ عَ رَوَلِ، بَرِ مَ نَ نَن عَ نِيَمَ عِ نَ سٌ قٍ نَشَن بِرِن يَ مَ، عِ شُتُ سْتْمَ عَ مَ، عِ قِندِ مَ عَ رَ نَ كِ نّ.

⁹ﭑ نَشَن قَلَشِ عِ بّ، عِ نَشَ نّيمُ. عِ عِ سّنبّ سٌ، عِ شَ لِمَنِيَ. عِ نَشَ فَاشُ، عِ نَشَ هَنمّ، بَرِ مَ عِ نَ سِفَ دّدّ، عِ نُن ﭑ تَن عِ مَرِفِ عَلَتَلَ بِرِن نَ عَ رَ.»

¹⁰يٌسُوٍ نَشَ يِ يَامَرِ سٌ حَمَ شُنيِيٍ يِ رَ؛

¹¹«وٌ وٌ حّرّ حَمَ تَفِ، وٌ عٍ يَامَرِ يِ رَ، ‹وٌ وٌ شَ دٌنسٍيٍ شُنلَن، بَرِ مَ وٌن قَمَ يُرُدّن عِفِرِدٍ بٍينُن شِ سَشَن، عَلَكٌ وٌ شَ بْشِ مَسْتْ وٌن مَرِفِ عَلَتَلَ نَشَن سٌقٍ وٌ يِ.›»

¹²يٌسُوٍ نَشَ عَ قَلَ رُبٍن بْنسْي، فَدِ بْنسْي، نُن مَنَسِ بْنسْي سّيتِ بّ،

¹³«وٌ رَتُ عَلَتَلَ شَ كٌنيِ مُنسَ شَ يَامَرِ مَ. عَ تٌ عَ قَلَ، ‹وٌ مَرِفِ عَلَتَلَ بَرَ مَلَبُي قِ وٌ مَ. عَ بَرَ يِ بْشِ سٌ وٌ يِ.›

¹⁴وٌ شَ فِنّيٍ، وٌ شَ دِيٍ، نُن وٌ شَ شُرُ سٍيٍ نْمَ لُدٍ بْشِ مَ عَننَبِ مُنسَ نَشَن سٌشِ وٌ يِ رَ يُرُدّن كِرِ مَ. كْنْ وٌ تَن تِمَ عَ فٍرٍ سٌ كِ نَن مَ وٌ نفَشَكٍرٍنيِيٍ يَ رَ. وٌ شَ عٍ مَلِ،