يٌسُوٍ 15:3-23

³عَ سِفَ تَلِ فٍيَ يِرٍقَنيِ مَ سِنِ بِرِ رَ، عَ تٍ كَدٍ سِ بَرِنٍيَ يِرٍقَنيِ مَ هَن عَ سَ دَنفِ شٍسِرٌن نَ، عَ مَن تٍ عَدَرِ، عَ سِفَ هَن كَرَكَ.

⁴نَ شَنبِ عَ عَسِمٌن لِ، عَ سِفَ مِسِرَ شُرٍ هَن بَا دّ رَ. يُدَيَكَيٍ شَ نَانِنيِ نَن نَ كِ يِرٍقَنيِ بِرِ رَ.

⁵يُدَيَ نَانِنيِ سٌفٍتٍدٍ بِرِ قِندِشِ قْشْي بَا دّ نَن نَ، هَن يُرُدّن شُرٍ سِنمَ بَا شُن دّننَشّ. عَ نَانِنيِ كْولَ بِرِ قْلْمَ يُرُدّن شُرٍ سِنمَ بَا شُن دّننَشّ،

⁶عَ تٍ بٍتِ شٌفَلَ بِرِ رَ، عَ سِفَ بٍتِ عَرَبَ، هَن رُبٍن شَ دِ بٌهَن شَ فّمّ يِرٍ رَ.

⁷نَ نَانِنيِ تٍشِ هَن دٍبِرِ، عَ دَنفِ عَكٌرِ فُلُنبَ كُي رَ، عَ سِفَ كْولَ مَ هَن فِلِفَلِ، نَشَن نَ عَدُ مِمِ فٍيَ يَ رَ، شُرٍ يِرٍقَنيِ مَ. نَ نَانِنيِ سِفَشِ هَن عٍن سٍمٍسِ دُلٌنيِ رَ، عَ مِنِ عٍن رٌفٍلِ رَ.

⁸عَ كٍلِ مّننِ، عَ فٌرٌ هِنٌمَ شَ فُلُنبَ كُي، يٍبُسُكَيٍ شَ تَا يِرٍقَنيِ مَ. نَ تَا قِندِشِ دَرِ سَلَمُ نَن نَ. عَ سِفَ هَن فٍيَ قَرِ مَ هِنٌمَ شَ فُلُنبَ يَ رَ سٌفٍتٍدٍ بِرِ نُن رٍقَ بْنسْي شَ فُلُنبَ رَحْنيِ رَ كْولَ بِرِ رَ.

⁹كٍلِقٍ نَ فٍيَ قَرِ مَ، نَانِنيِ سِفَمَ هَن نٍقٍتٌوَ دُلٌنيِ رَ. نَ شَنبِ عَ تَا ندٍيٍ لِ نَشٍيٍ نَ عٍقٍرٌن فٍيَ قَرِ، عَ سِفَ بَالَ، دّننَشّ شِلِ كِرِيَتِ يٍيَرِ مِ.

¹⁰عَ كٍلِ مّننِ عَ سِفَ سٌفٍفٌرٌدٍ بِرِ هَن عَ سٍيِرِ فٍيَ لِ، عَ سِفَ يٍيَرِ مِ فٍيَ سّيتِ مَ، دّننَشّ شِلِ كّسَلْن. عَ مَن سِفَ بٍتِ سٍمٍسِ، هَن عَ تِمِنَ لِ.

¹¹نَ نَانِنيِ سِفَشِ عٍكِرٌن نُن سِكِرْن تَايٍ سّيتِ مَ، هَن عَ بَالَ فٍيَ لِ، عَ سِفَ يَبَنٍيلِ. نَ دَنفِ شَنبِ عَ سَ بَا لِ.

¹²بَا شُنفبٍ دّ رَ قِندِ نَ نَانِنيِ نَن نَ سٌفٍفٌرٌدٍ بِرِ رَ. يُدَيَكَيٍ شَ نَانِنيِيٍ نَن نَ كِ. عٍ شَبِلّيٍ بِرِن نَ مّننِ نّ.

¹³يٌسُوٍ نَشَ يُدَيَكَيٍ شَ بْشِ ندٍ قِ يٍقُنٍ شَ دِ كَلٍبِ مَ، عَلْ عَلَتَلَ عَ يَمَرِ كِ نَشّ. عَ شَ تَا سِنفٍ قِندِ كِرِيَتِ عَرَبَ نَن نَ، نَشَن شِلِ شٍبِرٌن. مِشِ نَشَن نُ شِلِ عَرَبَ، نَ نَن لَنشِ عَنَكِ بْنسْي بٍنبَ مَ.

¹⁴كَلٍبِ نَشَ عَنَكِ شَ دِ شّمّ سَشَنيِيٍ كٍرِ. نٍيٍ نُ شِلِ نّ سّسَيِ، عَشِمَن، نُن تَلَمَ.

¹⁵نَ شَنبِ عٍ نَشَ تٍ دٍبِرِ شِلِ مَ، دّننَشّ نُ شِلِ كِرِيَتِ سِقَ.

¹⁶كَلٍبِ نَشَ عَ قَلَ، «مِشِ يٌ نَشَن نَ نْ سِقَ تَا رَ، ﭑ نَن ﭑ مَ دِ فِنّ عَكَسَ قِمَ نّ عَ مَ.»

¹⁷كَلٍبِ شُنيَ كٍنَسِ شَ دِ شّمّ عٌتِنِيٍلِ نَشَ نْ سِقَ تَا رَ. كَلٍبِ نَشَ عَ شَ دِ فِنّ عَكَسَ قِ عَ مَ.

¹⁸عَكَسَ تٌ سِفَ عٌتِنِيٍلِ شْن، عَ نَشَ عَ قَلَ عَ بّ عَ شَ بْشِ فبّتّ مَشْرِن عَ بَبَ مَ. عَكَسَ تٌ فٌرٌ عَ شَ سٌقَلٍ قَرِ، كَلٍبِ نَشَ عَ مَشْرِن، «عِ وَ مَ مُنسٍ شْن؟»

¹⁹عَ نَشَ عَ يَابِ، «ﭑ وَ مَ نَشَن شْن، عِ بَرَ بْشِ قِ ﭑ مَ نَشَن نَ يِرٍقَنيِ بِرِ رَ. يَكْسِ عِ مَن شَ يٍ يِرٍ قَن قِ ﭑ مَ.» عَوَ، عَ بَبَ نَشَ فٍيَ يِرٍ قِ عَ مَ. يٍ نُ نَ نَ فٍيَ قَرِ، عَ مَن نُ نَ فٍيَ بُنيِ.

²⁰يُدَ شَ دِيٍ كّ نَن يِ كِ، عٍ شَبِلّ كِ مَ؛

²¹تَا نَشٍيٍ نُ نَ يِرٍقَنيِ مَ، نٍفٍوِ فبٍنفبٍرٍنيِ مَ، عٍدٌن نَانِنيِ قّ مَ، عٍ شِلِ كَبَسٍيلِ، عٍدٍرِ، يَفُرُ،

²²كِنَ، دِ مٌنَ، عَدَدَ،

²³كٍدٍ سِ، شَسٌرِ، يِتِنَن،