Joshua 15:3-23

³Me tona sapa ilauna, Scorpion Pass me va tana bona aroha i Zin me tona haliu va Kadesh-banea me va sara Hezron. Vaho ge tona dato Addar, ikakeri te ririu va i karva.

⁴Te vuni Kakeri, me tona vulea Azmon, koekobe e va sara tana daidari i Egypt me va sara tana tahi. Aeni gaia didira na ririti ilau.

⁵Mana ririti iulu te vuni tanan Tahi Mate me va sara tana matana na tina Jordan. Mana ririti i longa te vuivuni tana logu tana tina Jordan te tave va tana Tahi Mate.

⁶Me tona halavu va i Beth-hoglah, vaho ge tona longa i lilighina Beth-arabah me va sara tana vatu Bohan na dalena Reuben.

⁷Vaho ge vuni tanan ihu keri me liu tanan boboko. Achor me va sara Debir, me ririu longa va Gilgal, te liuvia va na sughi Adummim pala uluna na boboko. Me ghoi vuni kakeri me tona va tanan vulavula ni beti En-shemesh me tona haliu va i En-rogel.

⁸Mana koekobe te ghoi liu va tana na boboko lilighidira na lei dalena Hinnom, me tona sopa tana sughi tara ghanara ga na Jebusite, te ghanaa ga Jerusalem. Vaho ge tona dato i pateva boko me va sara tanan kouna na ghotu, mana boko Hinnom i pari, me tona haliuhoru i matanga me va soko tana bobko ni Rephaim.

⁹Mete ghoi vun kakeri, na koekobe te vuni tana kouna na ghotu me va sava tana pukuna na beti Nephtoah, mi kakeri me tona va tona va tanan lei komu tana ghotu Ephron. Vaho ge ririu me tonavia va Baalah (gaia keri, Kiriath-Jiarim).

¹⁰Na koekobe te liu kilili bokona Baalah va tana ghotu Seir, me liu lilighina na komu ni kesalon me tona haliu longa va tana horu va Beth-She-Mes me va sara i Timnah.

¹¹Mana kobe te ghoi liu lighi-lighi tanan ghotu longana Ekron, mi kakeri te ririu va Shikkeron maa hotu Baala. Me liu lilighina Jabneel me va soko tana Tahi ni Mediterranean.

¹²Na koekobe i boko te soke tana saravahale tan Thi ni Mediterranean Gaighi na lei kobedira na lei binaboli tana kemana Judah.

¹³Ma Lord te uhulia Joshua gee vahea Caleb dalena Jephunneh na pilena na tunuvama Judah. Mara vahea Caleb na komu sule Arba, (gaia keri Hebron), tara holo taona nia na kukuna Anak.

¹⁴Ma Caleb te ghur kehara na Anak, mana Shsha, mana Ahiman, mana Talmai, rana lei viavahuhuna Anak.

¹⁵Vaho ge veitotoghoni kolura na vure taa ghanara i Debir (tara diki vatua nia Kiriath-Sepher).

¹⁶Ma Caleb te ghaghua, “Inau ku vahea Acsah na dalegu geke tauna ahei ke veitotoghoni me ke lavia na Komu Kiriath-Sepher.”

¹⁷Ma Othneil na dalena Kenaz, na hoghona Caleb gaia keri te lgavulea, ma Acsah te tauna Othneil.

¹⁸Mi tana bona Acsah te tauna tua Othniel, gaia te bosa ngangatavania geke nongia na pile bona ni pari tatamana. Mi tana bona Ascah te spgha hurta nina na dkey Caleb te huatia, “Na havato liona gku gonia vangho?”

¹⁹Ma gaia te bosa vania, “Ko vaheu na vauto. Ighoe to doloviu mo vaheu tua na pari tana Negev; mi nau nongi ngangatagho geko vaheu ghua na vulavula ni beti”. Ma Caleb tete vahea na ulavula imatanga mi pari.

²⁰Gaigh raini na pari tara vahera na lei binaboli tana Keruana Judah.

²¹Na lei komudira na lei binaboli tana kemana Judah tara ghanai pala launa na koekobe ni Edom, Kabzeel, Eder, mi Jagur.

²²Kinah, Dimonah, mi Adadah.

²³Kedesh, Hazor, mi Ithnan