لُكِ 21:9-32

⁹وٌ نَ فٍرٍيٍ نُن حَشَسِيٍ شَ قٍ مّ، وٌ نَشَ فَاشُ، بَرِ مَ قٌ نَ قٍ مْولِيٍ شَ رَبَ سِندٍن. كْنْ نَ وَشَتِ مَ، دُنِحَ رَحْنيِ مُ عَ لِمَ كٍرٍن نَ.»

¹⁰نَ شَنبِ، عَ نَشَ عَ مَسٍن عٍ بّ، «سِيٍ كٍلِمَ نّ عٍ بٌورٍ شِلِ مَ، حَمَنّيٍ عٍ بٌورٍ فٍرٍ.

¹¹بْشِ قَمَ نّ سّرّندٍ عَ شُنفبٍ رَ، كَامّ نُن قُرٍ سِن يِرٍ وُيَشِ. قٍ مَفَاشُشِيٍ نُن تْنشُمَ مَكَابَشِيٍ قَمَ مِنِدٍ كُيٍ مَ.»

¹²«كْنْ بٍيمَنُن نَ بِرِن شَ رَبَ، عٍ قَمَ نّ وٌ سُشُدٍ، عٍ وٌ حَشَنكَتَ. عٍ وٌ سَمَ نّ سَلِدٍ كُنتِفِيٍ بّلّشّ، عٍ مَن وٌ سَمَ نّ فٍيلِ. عٍ وٌ شَنِنمَ نّ مَنفّ نُن فٌمِنَيٍ يِرٍ ﭑ شِلِ شَ قٍ رَ.

¹³كْنْ نَ بِرِن كُي، وٌ قِندِ مَ ﭑ مَ سٍيدٍيٍ نَن نَ.

¹⁴وٌ نَشَ كْنتْقِلِ وٌ يّتّ شُنمَقَلَقٍ رَ،

¹⁵بَرِ مَ ﭑ مَسٍنيِ نُن شَشِلِمَيَ قِمَ وٌ مَ، عَلَكٌ وٌ يَشُييٍ نَشَ نْ وٌ رَ، عٍ نَشَ نْ وٌ مَتَندِدٍ.

¹⁶وٌ بَرِ مَيٍ، وٌ نفَشَكٍرٍنمَيٍ، وٌ بَرِبٌورٍيٍ، نُن وٌ دّقَنبٌورٍيٍ، عٍ قَمَ نّ وٌ يَنقَدٍ، عٍ وٌ سَ مِشِيٍ بّلّشّ. نٍيٍ تَن مِشِ ندٍيٍ قَشَمَ نّ وٌ يَ مَ.

¹⁷بِرِن قَمَ نّ وٌ شْندٍ ﭑ تَن مَ قٍ رَ،

¹⁸كْنْ وٌ رَتَنفَمَ نّ. هَلِ وٌ شُنسّشّ كٍرٍن، عَ مُ لْيمَ.

¹⁹وٌ شَ تُننَبّشِيَ كُي، وٌ كِسِمَ نّ.»

²⁰«وٌ نَ دَرِ سَلَمُ تٌ، سْورِ فَلِ بَرَ عَ رَبِلِن، وٌ شَ عَ كٌلٌن نّ عَ عَ شَ كَسَرّ بَرَ مَكْرّ.

²¹نَ تّمُي، مِشِ نَشٍيٍ نَ يُدَيَ، عٍ شَ عٍ فِ فٍيَيٍ قَرِ. نَشٍيٍ نَ دَرِ سَلَمُ تَا كُي، عٍ شَ كٍلِ نَا. نَشٍيٍ قَن نَ دَاشَيٍ، عٍ نَشَ سٌ تَا كُي،

²²بَرِ مَ نَ لْشْييٍ قِندِ مَ فبٍحْشْ وَشَتِ نَن نَ، عَلَكٌ نَشَن سّبّشِ كِتَابُي كُي عَ بِرِن شَ كَمَلِ.

²³نَ وَشَتِ قِندِ مَ فبَلٌي نَن نَ قُرُفِنّيٍ نُن دِنفّيٍ بّ! بَرِ مَ تْورّ فبٌمَ نّ بْشِ مَ، عَلَ شَ شْنّ مَكّنّنمَ يِ حَمَ شِلِ مَ.

²⁴ندٍيٍ قَشَمَ نّ سَنتِدّفّمَ رَ، ندٍيٍ شَنِنمَ نّ، عٍ سَ قِندِ كٌنيِيٍ رَ حَمَنّ بِرِن كُي. سِ فبّتّيٍ قَمَ نّ دَرِ سَلَمُ مَبٌرٌندٍ، هَن عٍ شَ وَشَتِ كَمَلِمَ تّمُي نَشّ.»

²⁵«نَ تّمُي، تْنشُمَيٍ مِنِمَ نّ سٌفٍ، كِكٍ، نُن تُنبُييٍ مَ. سِ بِرِن فَاشُمَ نّ، عٍ كْنتْقِلِ بَا وُندُ شُي نُن عَ مْرْنيِيٍ شَ قٍ رَ.

²⁶مِشِيٍ نَ عَ كٌلٌن قٍ نَشَن قَمَ رَبَدٍ بْشِ مَ، عٍ بِرَ مَ نّ فَاشُي سَابُي رَ، بَرِ مَ كٌورٍ قَمَ نّ عِمَشَدٍ.

²⁷نَ تّمُي، عَدَ مَ شَ دِ تٌمَ نّ قَ رَ نُشُي كُي، سّنبّ نُن نْرّ رَ.

²⁸نَ قٍيٍ نَ رَبَ قْلْ، وٌ تِ، وٌ وٌ شُن نَكٍلِ، بَرِ مَ وٌ شَ كِسِ بَرَ مَكْرّ.»

²⁹عِسَ نَشَ تَالِ وْيّنيِ مَسٍن عٍ بّ، «وٌ شْرّ بِلِ مَتٌ، عَ تَن نُن وُرِ بِلِ بِرِن.

³⁰وٌ نَ عَ تٌ، عٍ بَرَ عٍ بُرّشّ نّينّ رَ مِنِ، وٌ عَ كٌلٌنمَ حّمّ تّمُي حَن بَرَ مَكْرّ.

³¹عَدَ مَ شَ دِ قَقٍ قَن نَ نَ كِ نّ. وٌ نَ يِ قٍ بِرِن تٌ رَبَ رَ، وٌ شَ عَ كٌلٌن عَ عَلَ شَ مَنفّيَ نِينِ بَرَ مَكْرّ.

³²ﭑ شَ نْندِ قَلَ وٌ بّ، تٌ مِشِيٍ مُ دَنفِمَ قٌ نَ قٍ بِرِن نَبَ.