لُكِ 12:28-47

²⁸شَ عَلَ وُلَ سَنسِ مّينِمَ يِ كِ نّ، نَشَن نَ نَ تٌ، تِنَ عَ فَن، عَ مّينِمَ نّ وٌ تَن مَ دَنفِ نَ رَ ثٌن! وٌ شَ دَنشَنِيَ شُرُن.

²⁹وٌ نَشَ وٌ شَشِلِ بِرِن تِ دٌنسٍ نُن مِنسٍ رَ. وٌ نَشَ كْنتْقِلِ.

³⁰كَاقِرِ بِرِن بِرَ مَ نَ قٍ مْولِ نَن تُن قْشْ رَ. كْنْ وٌ تَن بَبَ عَلَ عَ كٌلٌن، عَ وٌ هَيِ نَ نَ سٍيٍ مَ.

³¹وٌ شَ عَلَ شَ مَنفّيَ نِينِ سِنفٍ قٍن. وٌ هَيِ نَ نَشَن بِرِن مَ، عَ نَ قَن قِمَ نّ وٌ مَ.»

³²«وٌ نَشَ فَاشُ، وٌ تَن نَشٍيٍ لُشِ عَلْ ﭑ مَ شُرُ سٍ فْورّ لَنمَ، بَرِ مَ عَ بَرَ وٌ بَبَ عَلَ كّنّن عَ شَ مَنفّيَ نِينِ قِ وٌ مَ.

³³سٍ نَشَن نَ وٌ يِ رَ، وٌ شَ سَ عَ مَتِ، وٌ عَ كْبِرِ قِ سٍتَرٍيٍ مَ. وٌ شَ كْبِرِ بْوتْ سْتْ نَشَن مُ كَنَمَ، وٌ هَرِفٍ سْتْ نَشَن مُ حْنمَ، نَشَن نَ عَرِيَننَ، مُحّتِ مُ دّننَشّ لِمَ، نِمَسٍيٍ قَن مُ كَنَرِ سَمَ دّننَشّ.

³⁴وٌ هَرِفٍ نَ دّننَشّ، وٌ بْحّ قَن لُمَ مّننِ نّ.»

³⁵«وٌ تَفِ عِشِرِشِ نَن شَ لُ عَ رَ، وٌ شَ لَنثُييٍ رَدّشّشِ.

³⁶وٌ شَ لُ نّ عَلْ مِشِ نَشٍيٍ عٍ مَرِفِ مَمّقٍ كٍلِقٍ قُتِشِرِ شُلُنيِ. عَ نَ قَ، عَ نَادّ كْنكْن، عٍ عَ رَبِمَ نّ عَ بّ كٍرٍن نَ.

³⁷سّيوّ نَ كٌنيِيٍ بّ، مَرِفِ نَشٍيٍ لِمَ عٍ مُ شِشِ عَ قَ تّمُي. ﭑ شَ نْندِ قَلَ وٌ بّ، مَرِفِ يَتِ قَمَ عَ تَفِ عِشِرِدٍ، عَ قَ مَفٌرٌدٍ قٍن عَ شَ نَ كٌنيِيٍ بّ، عَ قَ عٍ بُن تِ.

³⁸سّيوّ نَ عٍ بّ، مَرِفِ نَشٍيٍ لِمَ عٍ مُ شِشِ، هَلِ عَ فبِلٍن كْي تَفِ، شَ نَ مُ عَ رَ عَ حَن دَنفِ نَ رَ.»

³⁹«وٌ شَ عَ قَهَامُ عَ قَنيِ رَ، شَ بَنشِ كَنيِ عَ كٌلٌن نّ نُ مُحّتِ قَمَ تّمُي نَشّ، عَ مُ عَ لُمَ مُحّتِ شَ سٌ عَ شْنيِ.

⁴⁰وٌ قَن، وٌ شَ وٌ تَفِ عِشِرِ، وٌ نَشَ يَنقَ، بَرِ مَ عَدَ مَ شَ دِ قَمَ وَشَتِ نَن مَ وٌ حْشْ مُ نَشَن مَ.»

⁴¹ثِيّرِ نَشَ عَ مَشْرِن، «مَرِفِ، عِ يِ تَالِ سَشِ مُشُ تَن نَن بّ، كَ بِرِن بّ؟»

⁴²مَرِفِ نَشَ عَ يَابِ، «ندٍ لُمَ عَلْ وَلِكّ شُنمَتِ نَشَن قِندِشِ شَشِلِمَ دُفُتّفّ رَ؟ عَ مَرِفِ عَ تِمَ عَ شَ بَنشِ وَلِكّيٍ بِرِن شُن مَ، عَ شَ دٌنسٍ تَشُن عٍ رَ عَ وَشَتِ.

⁴³حّلّشِنيِ نَ نَ كٌنيِ بّ، نَشَن مَرِفِ عَ لِمَ نَ وَلِ رَ.

⁴⁴ﭑ شَ نْندِ قَلَ وٌ بّ، نَ مَرِفِ عَ هَرِفٍ بِرِن تَشُمَ نّ نَ كٌنيِ رَ.

⁴⁵كْنْ شَ عَ سَ لِ فٌ، نَ كٌنيِ عَ قَلَ عَ يّتّ بّ، ‹ﭑ مَرِفِ بُمَ نّ قَقٍ رَ›، عَ قَ مَرِفِ شَ كٌنيِ شّمّيٍ نُن كٌنيِ فِنّيٍ بْنبْ، عَ شُلُنيِ تِ، عَ سِيسِ؟

⁴⁶لْشْ ندٍ قَمَ، عَ تَن كٌنيِ مُ نَشَن كٌلٌن، عَ حْشْ مُ سَشِ نَشَن مَ، عَ مَرِفِ فبِلٍنمَ نّ. عَ نَ قَ، عَ نَ كٌنيِ حَشَنكَتَمَ نّ عَ حَاشِ رَ، كٌنيِ فبَلٌي سْتْ عٍ نُن كَاقِرِيٍ.»

⁴⁷«كٌنيِ نَشَن عَ مَرِفِ سَفٌ كٌلٌن، كْنْ عَ مُ عَ تَفِ عِشِرِ، عَ مَن مُ عَ سَفٌ رَبَ، عَ قَمَ نّ بْنبْي فبٍفبٍ سْتْدٍ.