كْنتِ تِقٍ 18:20-27

²⁰عَلَتَلَ نَشَ عَ مَسٍن هَرُنَ بّ، «عِ مُ كّ سْتْمَ عِسِرَيِلَ بْشِ مَ عَلْ بٌورٍ. ﭑ تَن نَن قِندِ مَ عِ كّ رَ عِسِرَيِلَكَيٍ تَفِ. عِ هَيِ مُ نَ سٍسٍ فبّتّ مَ.»

²¹«ﭑ عِسِرَيِلَ شَ قَرِلّ قِمَ لٍوِ بْنسْي نَن مَ سَرٍ رَ عٍ شَ هْرْ مْلِنفِرَ وَلِ شَ قٍ رَ.

²²عِسِرَيِلَكَيٍ نَشَ عٍ مَسٌ هْرْ مْلِنفِرَ رَ سْنْن، عَلَكٌ عٍ نَشَ قَ يُنُبِ سْتْ نَ كُي عٍ قَشَمَ نَشَن مَ.

²³لٍوِ بْنسْي نَن هْرْ مْلِنفِرَ شَ وَلِ رَبَمَ. شَ يُنُبِ يٌ سَ مِنِ نَ وَلِ كُي، عٍ تَن نَن عَ كٌتٍ تٌنفٌمَ. نَ قِندِ مَ سّرِيّ نَن نَ وٌ بّ عَبَدَن. لٍوِ بْنسْي مُ قَمَ كّ سْتْدٍ عِسِرَيِلَكَيٍ تَفِ.

²⁴ﭑ بَرَ عِسِرَيِلَكَيٍ شَ قَرِلّ قِ لٍوِ بْنسْي مَ كّ رَ. نَ نَن عَ تٌشِ، ﭑ نَ عَ قَلَشِ عٍ شَ قٍ رَ، كّ مُ نَ عٍ تَن بّ عِسِرَيِلَكَيٍ تَفِ.»

²⁵عَلَتَلَ نَشَ عَ مَسٍن مُنسَ بّ،

²⁶«عَ قَلَ لٍوِ بْنسْي بّ، ‹عِسِرَيِلَكَيٍ نَ قَ عٍ شَ قَرِلّ رَ، ﭑ نَشَن قِمَ وٌ مَ، وٌ شَ نَ قَرِلّ شَ قَرِلّ بَ ﭑ تَن بّ.

²⁷نَ كُي وٌ قَن عَ رَبَمَ نّ عَلْ وٌ نفَشَكٍرٍنيِ نَشٍيٍ قَرِلّ بَمَ عٍ شَ سَنسِ شْرِ رَ لٌنيِ يِرٍ، شَ نَ مُ عَ رَ عٍ شَ وّنِ رَ عٍ عَ بُندُ مَ تّمُي نَشّ.