كْنتِ تِقٍ 10:8-29

⁸«هَرُنَ بْنسْي سّرّشّدُبّيٍ نَن نَ سَرَيٍ قٍمَ. سّرِيّ نَن نَ رَ وٌ تَن نُن وٌ بْنسْييٍ بّ عَبَدَن.

⁹وٌ نَ وٌ يَشُييٍ فٍرٍ وٌ شَ بْشِ مَ تّمُي نَشّ، وٌ شَ نَ سَرَيٍ قٍ. عَلَتَلَ حْشْ سَمَ نّ وٌ شْن، عَ وٌ رَتَنفَ وٌ يَشُييٍ مَ.

¹⁰وٌ شَ سَلِ لْشْي شُنفبٍيٍ نُن وٌ شَ كِكٍ نّينّ سَلِ لْشْييٍ، وٌ مَن شَ نَ سَرَيٍ قٍ وٌ سّرّشّ فَن دَاشِيٍ نُن شَنُنتٍيَ سّرّشّيٍ بَمَ تّمُي نَشّ. نَ نَن عَ نِيَمَ، ﭑ نَن ﭑ حْشْ سَمَ وٌ شْن مَ. ﭑ تَن نَن نَ وٌ مَرِفِ عَلَتَلَ رَ.»

¹¹حّ قِرِن ندٍ كِكٍ قِرِن ندٍ شِ مْشْحّن لْشْي، نُشُي نَشَن نُ دْشْشِ هْرْ مْلِنفِرَ شُن مَ، عَلَ شَ سٍيدٍ نُ نَ دّننَشّ، عَ نَشَ حّرّ قْلْ.

¹²نَ كُي عِسِرَيِلَكَيٍ نَشَ كٍلِ تُرُ سِنِنَ فبٍنفبٍرٍنيِ مَ، عٍ بِرَ نَ نُشُي قْشْ رَ هَن عَ سَ تِ ثَرَن فبٍنفبٍرٍنيِ شُن مَ.

¹³عَلَتَلَ نَشَ عٍ يَمَرِ عَننَبِ مُنسَ سَابُي رَ، عٍ شَ نَ بِيَاسِ سِنفٍ قْلْ.

¹⁴يُدَ بْنسْي نَشَ تِ يَرٍ، عٍ شَ تْنشُمَ تِشِ عٍ يَ رَ. عٍ شُنيِ نُ نَ عَمِنَدَبٌ شَ دِ شّمّ نَشَسٌن نَن نَ.

¹⁵سُوَرَ شَ دِ شّمّ نٍتَنٍيلِ نَن نُ نَ عِسَكَرِ بْنسْي شُنيِ رَ.

¹⁶شٍلٌن شَ دِ شّمّ عٍلِيَبِ نَن نُ نَ سَبُلٌن بْنسْي شُنيِ رَ.

¹⁷هْرْ مْلِنفِرَ تٌ مَقَفَتِ، فٍرِ سٌن شَ دِ شّمّيٍ نُن مٍرَرِ شَ دِ شّمّيٍ نَشَ عَ شَنِن.

¹⁸رُبٍن بْنسْي نَشَ بِرَ عٍ قْشْ رَ، عٍ شَ تْنشُمَ تِشِ عٍ يَ رَ. سٍدٍيُرِ شَ دِ شّمّ عٍلِسُرُ نَن نُ نَ عٍ شُنيِ رَ.

¹⁹سِمٍيْن بْنسْي نَشَ بِرَ عٍ قْشْ رَ. سُرِ سَدَيِ شَ دِ شّمّ نَن نُ نَ عٍ شُنيِ رَ.

²⁰فَدِ بْنسْي نَشَ بِرَ عٍ قْشْ رَ. دُوٍلِ شَ دِ شّمّ عٍلِيَسَقَ نَن نُ نَ عٍ شُنيِ رَ.

²¹كٍهَتِ شَبِلّ نَشَ بِرَ عٍ قْشْ رَ هْرْ مْلِنفِرَ سٍ سّنِيّنشِيٍ رَ. بٌورٍيٍ تَن لَن نّ عٍ شَ هْرْ مْلِنفِرَ تِ بٍينُ كٍهَتِ شَبِلّ شَ سٌ.

²²عٍقِرَ مِ بْنسْي نَشَ بِرَ عٍ قْشْ رَ، عٍ شَ تْنشُمَ تِشِ عٍ يَ رَ. عَمِشُدِ شَ دِ شّمّ عٍلِسَمَ نَن نُ نَ عٍ شُنيِ رَ.

²³مَنَسِ بْنسْي نَشَ بِرَ عٍ قْشْ رَ. ثٍدَ سُرُ شَ دِ شّمّ فَمَلِيّلِ نَن نُ نَ عٍ شُنيِ رَ.

²⁴فِدٍيٌنِ شَ دِ شّمّ عَبِدَن نَن نُ نَ بُنيَمِن بْنسْي شُنيِ رَ.

²⁵دَنَ بْنسْييٍ نَشَ حّرّ عٍ بِرِن شَنبِ رَ، عٍ شَ تْنشُمَ تِشِ عٍ يَ رَ. عَمِسَدَيِ شَ دِ شّمّ عَشِيٍسٍرِ نَن نُ نَ عٍ شُنيِ رَ.

²⁶عٌكِرَن شَ دِ شّمّ ثَفِيّلِ نَن نُ نَ عَسٍرِ بْنسْي شُنيِ رَ.

²⁷عٍنَن شَ دِ شّمّ عَشِرَ نَن نُ نَ نَقَتَلِ بْنسْي شُنيِ رَ.

²⁸عِسِرَيِلَكَيٍ نُ حّرّ مَ نَ كِ نّ عٍ فَلِ كِ مَ.

²⁹مُنسَ نَشَ عَ قَلَ عَ بِتَنيِ رٍيُوٍلِ مَدِيَنكَ شَ دِ شّمّ شٌبَبٌ بّ، «مُشُ نَ سِفَقٍ عَلَتَلَ دّننَشَن لَايِدِشِ مُشُ بّ. عِ قَن شَ قَ. نَ قِندِ مَ سْونّيَ نَن نَ عِ بّ، بَرِ مَ عَلَتَلَ بَرَ لَايِدِ تٌنفٌ عَ قٍ قَنيِيٍ رَبَمَ نّ عِسِرَيِلَ بّ.»